Përgatituni, taksë edhe për rrugën Tiranë- Durrës

Diel, 10 June 2018 19:22

Autoriteti Rrugor Shqiptar është duke studiuar mundësinë e aplikimit të pagesës në disa akse kombëtare në vend sipas modelit të rrugës Durrës-Kukës.

Kreu i këtij institucioni, Afrim Qendro i ftuar në studion e lajmeve të Ora News tha se ende nuk ka një vendimmarrje pasi aplikimi i takës sipas modeleve botërore është ende në fazën e studimit dhe po ashtu varet nga ecuria e këtij procesi në rrugën Durrës-Kukës.

Afrim Qendro: Po diskutohet edhe aksi Tiranë-Fier-Vlorë, po diskutohet edhe aksi Tiranë-Elbasan, edhe aksi Tiranë-Durrës, ndoshta edhe Gjirokastër-Sarandë. Por këto janë pjesë e studimeve, pjesë e analizave në të cilat nuk merr pjesë vetëm autoriteti rrugor, këto janë vendime të rëndësishme që i merr qeveria shqiptare.

Qendro tha se ndërhyrja emergjente Tiranë-Durrës e cila nis në 11 qershor do të përfundojë para 1 korrikut dhe  nuk do të cënojë sezonin turistik.

Afrim Qendro: Që do të thotë ne nuk do të bëjmë mbushje të gropave, por do të marrim segmentet më të dëmtuara, do ti hiqet asfalti aktual dhe do të shtrohet.Ne këtë punë do ta mbarojmë deri në datën 1 korrik, që me fillim normal të sezonit turistik kjo rrugë të jetë e kalueshme.

ARRSH bashkë me kontraktorin është në fazën e studimit edhe për ndërhyrjen që do të bëhet në aksin Lezhë-Shëngjin, kur shembja e një masivi gurësh goditi një autobus dhe plagosi dy gra javën e kaluar.

Afrim Qendro: Ne jemi në kontakt me konsulentin edhe me bankën për të bërë një investim emergjenc. Për shkak të shirave ne bëjmë një monitorim të skarpateve ku shtrihen këto rrugë. Nuk kishim ndonjë indikator dhe asnjë të dhënë që mund të kishim rrëshkitje. Këto gjëra ndodhin! Ne jemi në bisedim me BB për të ndërhyrë në këtë segment që fillon nga qyteti i Lezhës deri në Shëngjin. Është një zonë që paraqet një rrezikshmëri të tillë. Jemi në tratativa për të bërë qoftë pastrime qoftë veshje me rrjet. Presim shumë shpejt që njërën nga masat që parashikon kontrata ta realizojmë.

Kreu i ARRSH njoftoi se institucioni që drejton po përgatit projektet dhe do të hapë punimet në tre lotet për Unazën e Madhe të Tiranës.

Modifikuar më Diel, 10 June 2018 19:27

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

U pyet për një orë në Prokurori, Veliu: Jam i pafajshëm!

Politikë

U pyet për një orë në Prokurori, Veliu: Jam i pafajshëm!

Drejtori i Përgjithshëm i Policisë, Ardi Veliu, e ka përfunduar dëshminë e tij në Prokurori. Ai e ka mohuar sërish se e ka shoqëruar Fredi Alizotin, dëshmitarin e ofruar që...

Boçi denoncon skandalin: Deputetja Gjylameti dhe Ervin Demo vodhën punimin shkencor të mjekut

Politikë

Boçi denoncon skandalin: Deputetja Gjylameti dhe Ervin Demo vodhën punimin shkencor të mjekut

Deputeti i Partisë Demokratike, Luçiano Boçi, denoncoi një skandal, në të cilin sipas tij janë përfshirë një deputet i grupit parlamentar të Partisë Socialiste, si dhë një zëvendësministër i i...

“30 minuta në Prokurori”, flet gazetari Basir Çollaku: Ja për çfarë më pyetën

Aktualitet

“30 minuta në Prokurori”, flet gazetari Basir Çollaku: Ja për çfarë më pyetën

Gazetari Basir Çollaku I cili është paditur për shpifje nga Taulant Balla është marrë sot në pyetje për rreth 30 minuta në Prokurorinë e Krimeve të Rënda. Çollaku sapo ka dalë...

Sondazh

Nothing found!

Sondazh

Nothing found!