Një aksident i rëndë ka ndodhur në aksin rrugor Elbasan-Peqin ku dy makina janë përplasur “kokë më kokë”.

Ngjarja regjistrohet të ketë ndodhur në qendër të fshatit Pajovë, ku një automjet tip ‘Benz’ me targë AA 887 RC është përplasur me një Volsvagen Touran me targë AA 729 NM.

Si pasojë e kësaj përplasje, është aksidentuar një kalimtar dhe një grua që ndodhej në ‘Benz’.

Të lënduarit janë nisur drejt spitalit të Elbasanit ku po marrin ndihmën e nevojshme mjekësore.

Sipas mjekëve ata ndodhen në gjendje të rënduar për jetën, veçanërisht këmbësori.

Në vendin e ngjarjes ka shkuar policia e cila po punon për përcaktimin e shkaqeve të këtij aksidenti.

Policia ka shoqëruar për në komisariat drejtuesit e automjeteve.