Gjithë qyteti i Fushë-Krujës së bashku me fshatrat përrreth janë prej më shumë se 24 orësh pa ujë të pijshëm.

Shkak i lënies pa ujë të pijshëm i më shumë se 50 mijë banorëve sipas ujësjellësit është një defekt në sistemin e pompimit në fshatin Hasan.

Këto defekte e probleme në pompat që furnizojnë 50 mijë banorët e Fushë-Krujës me ujë kohët e fundit janë bërë të shpeshta dhe banorët përballen me mungesën e ujit pa asnjë paralajmërim.

Të kontaktuar drejtues të ujesjellësit thonë se nuk e dinë se sa do i duhet për të rregulluar defektin.