Protesta e banorëve të Unazës së Re edhe pse në kushte të vështira të motit ka vijuar edhe sot, në ditën e 68-të të saj, ndërsa këtë pasdite, të pranishëm ishin edhe deputetë të Partisë Demokratike.
Banorët kanë përsëritur thirrjen kundër qeverisë Rama dhe mbi të gjitha kundër projektit që parashikon prishjen e shtëpive të tyre.
Deputeti i Partisë Demokratike, Klevis Balliu ishte i pranishëm në protestë dhe i bëri apel policisë të mbrojë banorët dhe jo vilën e Surrelit.
“Frikacaku Edi Rama ka sjellë këtu skllevërit e tij për tju trembur ju. Ai kujton se mund tju trembë me disa policë të korruptuar. Nëse nuk tërhiqesh nga kjo aferë korruptive do të përballesh me reagimin e sovranit. I bëj thirrje policisë të vijë dhe të mbrojë banorët që protestojnë për shtëpitë e tyre dhe jo të mbrojë shtëpinë e njeriut që ka 23 vite në pushtet” tha Balliu.

Ndërsa deputeti i LSI-së Endrit Brahimllari ka vënë theksin te vjedhja e madhe që Rama ka bërë me projektin e Unazës. “40 milionë euro duhet të shkonin për shkolla, rrugë dhe spitale e jo në xhepat e Edi Ramës. Ai duhet të ishte sot në burg” tha Brahimllari.