35 vjet e gjysmë në burgjet e komunizmit

Hënë, 17 September 2018 18:26

Nga Kastriot Dervishi

Petrit Velaj nga Vlora (1924-2017) është shembull qëndrese me 12.960 ditët e burgimit të tij gjatë periudhës së komunizmit. 35 vjet e gjysmë vuajti tre dënime me burgim, por pavarësisht kësaj, gjithnjë ishte i qartë dhe i pamposhtur nga komunizmi. Kushedi si do kish marrë jeta e tij nëse i gjendur me forcat e Ballit Kombëtar në Shkodër nuk do nisej nga Mit’hat Frashëri më 2.11.1944 me mision në Tiranë. Në Mamurras kapet nga forcat e brigadës së 23-të, të cilët e dënuan me pushkatim. Siç tregon në kujtimet e veta, shpëtoi në sekondat e fundit nga ndërhyrja e Mihal Priftit.

-Periudha e vuajtjes së burgimit:

1945-1965, dënimi i parë

1972-1989,  dënimi i dytë dhe ridënimi

-Mosha në fillim të dënimit: 21 vjeç

-Mosha në mbarim të dënimit: 65 vjeç

Dënimi i parë: 1945-1965

Në vitin 1945 dënohet nga Gjykata Ushtarake e Vlorës e drejtuar nga Qemal Klosi me prokuror Lufter Hoxhën me burgim të përjetshëm. Nisi kështu për Petrit Velajn, udha e gjatë e vuajtjes së dënimit në burgjet dhe kampet e diktaturës. Më 14.9.1946 ishte ndër të burgosurit e parë të Burrelit. Ja skeda e vuajtjes së dënimit të parë:

1946, Burgu nr.11 Vlorë

1946-1951, Burgu nr.3 Burrel

1951-1952, Burgu nr.5 Tiranë, mesagjeria

1952, Burgu nr.3 Burrel

1953-1956, Reparti nr.307 Tiranë, Reparti nr.309 Tërbuf

1957, Burgu nr.319 Vlorë

1958-1964, Burgu nr.321 Burrel

1964-1965, Reparti nr.309 Laç

Dënimi i dytë e i tretë: 1972-1989

Pas një internimi 5-vjeçar. Petrit Velaj u arrestua ditën e pavarësisë, më 28.11.1972. Gjykata deklaronte se “rrezikshmëri shoqërore paraqet edhe vetë i pandehuri i cili vjen nga një familje shtresë e pasur dhe e hedhur qysh në fillim të lëvizjes nacionalçlirimtare në bashkëpunim me okupatorët e tradhtarët e vendit”, duke injoruar faktin se Petrit Velaj ishte nga antifashistët e parë në vend. Me vendimin nr.24, datë 31.1.1973, Gjykata e Rrethit Vlorë, e kryesuar nga Sadik Qorduka, duke pasur pranë ndihmësprokurorin Besnik Halili e deklaroi fajtor në bazë të nenit 73 të Kodit Penal se kishte “zhvilluar biseda me karakter armiqësor për të dobësuar e rrëzuar pushtetin popullor” dhe e dënoi me 10 vjet burgim. Kur po i afrohej lirimi, u arrestua sërish më 1.9.1980 gjatë kohës që vuante dënimin në kampin nr.309 Ballsh. Gjykata Popullore e Rrethit Fier e kryesuar nga kryetari Fehmi Abdiu, duke pasur pranë prokurorin Kiço Koçi, e deklaroi fajtor në bazë të nenit 55 të Kodit Penal dhe e dënoi me 11 vjet burgim. Në shkurt 1989 u lirua nga burgimi. Ja skeda e vuajtjes së dënimit të dytë e të tretë në kampe e burgje:

1973-1974, Reparti nr.303 Spaç

1978-1980, Reparti nr.309 Ballsh

1981-1982, Reparti nr.303 Spaç

1982-1985, Reparti nr.302 Zejmen

1985-1986, Reparti nr.303 Spaç

1986-1989, Kompleksi “Dinamo” Tiranë

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...