1944/Pasaporta e Dhimitër Fallos pas vrasjes nga komunistët (fotografia)

Hënë, 03 December 2018 16:45

Nga Kastriot Dervishi

Në vigjilje të sjelljes së eshtrave të Mit’hat Frashërit, në kuadër të fushatës komuniste të denigrimit të emrit të tij, pati disa aludime sikur i ndjeri kish bërë marrëveshje për “shitjen” e Shqipërisë e kësisoj kishte tradhtuar idetë kombëtare. Shkruesit e këtyre tezave (sigurisht të njohura gjatë periudhës së diktaturës), që asnjëherë nuk përmendin praninë jugosllave gjatë luftës, si dhe sigurisht nuk i komentojnë aktet e hapëta në kundërshtim me interesat shqiptare si bashkimi doganor me Jugosllavinë dhe unifikimi i monedhës të vitit 1946, qëllimisht kanë dashur të njollosin Mit’hat Frashërin në një çështje që kurrë nuk u bë akt zyrtar dhe që vetë Mit’hati nuk ka qenë protagonisti kryesor. Ndërsa komunistët gjatë luftës ishin të prerë për të mos kaluar Shqipërinë e 1913-s, nacionalistët e kohës ishin për shumë më tepër se kaq. Kërkesa për bisedime ka ardhur nga pala greke. Përveç idesë së konfederatës, qëllimi ishte që Greqia të njihte kufirin jugor të Shqipërisë, si dhe të kërkonte në konferencën e paqes që Kosova e viset e tjera në Jugosllavi të bashkoheshin me Shqipërinë. Pikërisht këtë të fundit, ata që e akuzojnë Mit’hat Frashërin për “shitje”, nuk e përmendin fare në sulmet e tyre. Përdorimi i veçantë i emrit të tij, nuk është bërë veçse me dashakeqësi. Njëri nga personat që ishin në bisedimet e Selanikut, ishte Dhimitër Fallo (1899-1944). Ai dërgoi dy raporte të datave 18 dhe 23 prill 1944. Fallo u vra nga komunistët më 31.7.1944 në Korçë, në kohën që bisedimet ishin ndërprerë e nuk po zhvilloheshin. Ka gjasa që kjo ndërprerje të ketë ardhur për shkak të masakrave në Çamëri. Dokumentet që iu zunë Dhimitër Fallos, u trumbetuan nga komunistët si akte të “tradhtisë kombëtare”. Në ditët në vijim, do sjell deklarata të protagonistëve të bisedimeve të Selanikut, si dhe të deklaratave të gënjeshtërta të z.Xhufi këto ditë, etj.

Modifikuar më Hënë, 03 December 2018 19:18
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...