Moscovici  “shuplakë” Italisë: Asnjë kompromis mbi rregullat buxhetore të BE-së

Premte, 09 November 2018 07:02

Shefi i ekonomisë së Bashkimit Europian, Pierre Moscovici, ka këmbëngulur se nuk do të ketë asnjë kompromis me Italinë mbi rregullat buxhetore të BE-së, ndërsa zbuloi projeksionet më të fundit ekonomike të Komisionit Europian.

“Unë jam i shqetësuar për fjalën kompromis. Nuk mund të ketë një lloj negocimi për këtë”, tha Moscovici për gazetarët pas publikimit të projeksioneve të Komisionit.
Ekzekutivi i BE-së tha se buxheti i propozuar i Romës do të shkaktojë deficitin e buxhetit të Italisë në 2.9% vitin e ardhshëm dhe 3.1% në vitin 2020, duke shkelur kufirin prej 3% të përcaktuar nga Pakti i Stabilitetit dhe Rritjes.
Buxheti i paraqitur kërkon të zvogëlojë taksat dhe të ndërpresë shkurtimet e pensioneve të planifikuara paraprakisht, ndërsa ministri i Financave, Giovanni Tria, ka insistuar se nuk do të ketë ‘kompromis e as konflikt’ me Komisionin.
Ndërkohë, Moscovici vuri në dukje se borxhi italian u zgjerua pas publikimit të projektbuxhetit. Këtë të hënë, shefi i Eurogrupit, Mario Centeno, i bëri thirrje Italisë që të paraqesë një propozim buxhetor që përputhet me rregullat fiskale europiane.
Ai deklaroi se bazat e ekonomisë europiane janë të qëndrueshme, duke shtuar se të gjitha vendet e BE-së do të gëzonin një rritje ekonomike në shkallë të ndryshme gjatë vitit 2019, megjithëse me një ritëm më të ngadaltë. Ndërkohë, shtoi më tej se papunësia dhe borxhi publik në Eurozonë do të vazhdojnë të bien.
Tensionet e tregtisë ndërmjet SHBA dhe Kinës gjithashtu përbëjnë një rrezik afatmesëm, tha Moscovici, ndërsa shtoi se ngadalësimi i pranishëm në tregtinë botërore ndikon në eksportet dhe besimin e bizneseve europiane.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

"Shpellarët"

Kulturë

"Shpellarët"

Nga Shaqir Çerpja   Varrit të gjyshit unë iu luta, Me m'tregu pse m' thanë "shpellar" Ma kuptoi brengën lahuta, Nisi këngën një këngëtar.   Hajredin Pasha po vjen Radikës, Me ushtri prej Anadollit; Nis me i këndu "Lahuta"e...

Mali i Zi: Formimi i Ushtrisë së Kosovës duhet të jetë gradual

Globi

Mali i Zi: Formimi i Ushtrisë së Kosovës duhet të jetë gradual

Zyrtarë të Malit të Zi thonë se formimin i Ushtrisë së Kosovës duhet të jetë një proces gradual dhe të kontribojë në stabilitetin e rajonit. Ministri i Punëve të Jashtme, Srgjan...

Veprat e 6 kompozitorëve në një mbrëmje për publikun

Kulturë

Veprat e 6 kompozitorëve në një mbrëmje për publikun

Veprat muzikore të gjashtë kompozitorëve të njohur shqiptarë erdhën në një mbrëmje koncertore në Akademinë e Shkencave. Një koncert, që solli për të pranishmit një krijimtari muzikore të pasur, jo...

Sondazh

Nothing found!

Sondazh

Nothing found!