Probleme me Nissan-in, arrestohet shefi i saj

Hënë, 19 November 2018 17:00

Shefi ekzekutiv i kompanisë së automobilëve, 'Nissan', Carlos Ghosn, është arrestuar pasi një hetimi dhe ku u dol në përfundimin se për disa vite me radhë ka fshehur të dhënat financiare si dhe i ka manipuluar ato para aksionerëve.
Ghosn është arrestuar pas një sërë hetimesh ku është gjetur se ai ka përdorur personalisht asetet e kompanisë. CNN shkruan se bashkë me të u arrestua edhe një tjetër anëtar i bordit drejtues të kompanisë, i cili dyshohet se e ka ndihmuar Ghosn.
'Mitsubishi', bashkë me 'Nissan' dhe 'Renault' përbëjnë aleancën më të madhe globale të makinave. Këto tre kompani kanë rreth 470 mijë të punësuar në rreth 200 vende të botës.
Kompania ka kërkuar ndjesë para aksionerëve dhe menjëherë policia ka shkuar dhe e ka arrestuar 64-vjecarin në Tokio.
‘Këta dy burra u arrestuan sot, kjo është ajo që unë di’,-tha CEO i Nissan, Hiroto Saikawa, në një konferencë për mediat.
Pas arrestimit, Saikawa deklaroi se do t'i propozojë bordit drejtues të Nissan që të hiqet menjëherë Ghosn nga çdo pozicion në kompaninë e tij. Aksionet e kompanisë Renault, ku Ghosn ishte drejtues dhe CEO, ranë me 13%. Presidenti francez Emmanuel Macron, ka thënë më herët se qeveria franceze, e cila zotëron 15% të aksioneve të Renault, po vëzhgonte nga afër.
Sipas të dhënave, Nissan e ka paguar Ghosn me një pagë prej 9.7 milionë dollarë gjatë vitit 2017. I lindur në Brazil, Ghosn me origjinë libaneze, e nisi karrierën e tij në Michelinin e gomave franceze në vitin 1978.
Ai nisi punë fillimisht tek Renault në vitin 1996. Kur Renault u bë aleate me Nissan në 1999, ai u vu si zyrtari kryesor i firmës japoneze, duke e ndihmuar kompaninë që të dilte nga një krizë financiare. Nga ai moment mori pseudonimin “Vrasësi i kostove”.
Ai u emërua si CEO i Nissan në vitin 2001 dhe në 2005 u vu në krye të Renault. Kjo e bëri atë drejtuesin e parë në botë, i cili drejtonte dy kompani gjigante në të njëjtën kohë. Kur Nissan bleu 34% të aksioneve të Mitsubishi Motors në vitin 2016, Ghosn e kaloi postin e tij si CEO i Nissan tek Saikawa.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Mbërrijnë në Prishtinë automjetet ushtarake amerikane për ushtrinë e Kosovës

Bota Shqiptare

Mbërrijnë në Prishtinë automjetet ushtarake amerikane për ushtrinë e Kosovës

24 automjete ushtarake “Humvee” kanë ardhur nga Shtetet e Bashkuara, në Kosovë. Këto mjete pritet të jenë në dispozicion të Forcave të Armatosura të Kosovës, të cilat pritet të themelohen me...

Çifti shkodran përplaset për pronat, gruaja: Ja more tokat fëmijëve të tu për vëllain!

Aktualitet

Çifti shkodran përplaset për pronat, gruaja: Ja more tokat fëmijëve të tu për vëllain!

Pronat duket se vijojnë të jenë burim konflikti në shumë familje shqiptare. Këtë të diel, në rubrikën “Shihemi në gjyq” ishin bashkëshortët nga Shkodra, Suzana dhe Gasper Rrotaj. Shkaku ishte një...

Pedagogia e Fakultetit Histori-Filologji Lili Sula: Unë sot jam student!

Aktualitet

Pedagogia e Fakultetit Histori-Filologji Lili Sula: Unë sot jam student!

Me studentet protestues eshte bashkuar dhe pedagogia e Fakultetit Histori Filologji Lili Sula. Ne rrjetin social Fb znj.Sula shkruan:  - "Media mund të cungojë dhe tjetërsojë mendimin e një pedagogeje...

Sondazh

Nothing found!

Sondazh

Nothing found!