Greva në aeroportet e Gjermanisë – Anulohen mbi 600 fluturime. Stafi i sigurisë kërkon 20 euro/orë

E Enjte, 10 Janar 2019 15:28

Më shumë se 640 fluturime janë anuluar në Gjermani ditën e Enjte, për shkak të grevave të stafit të sigurisë në aeroportet e Duesseldorfit, Këlnit dhe Stuttgartit.

Personeli i sigurisë po përpiqet t’i ushtrojë presion menaxhimit në negociatat për pagat. Nga 1,054 fluturime të planifikuara, 643 u anuluan, sipas deklaratës së aeroporteve, duke shtuar se janë ndikuar shumë prej pasagjerëve që arrijnë në një mesatare prej 115,000 në ditë, ndërkohë që ka pasur vonesa të mëdha në pikat e sigurisë.

Sindikata e sektorit publik Verdi, ka bërë të ditur se po negocion me punëdhënësit për 23 mijë punëtorë të sigurisë në aeroporte në Gjermani. Negociatat për pagat pritet të rinisin më 23 Janar. Sindikata ka kërkuar një rritje të pagës në 20 euro për orë, përpara taksave. Autoriteti i Aeroporteve ka refuzuar këtë kërkesë, pasi është shumë e lartë.

Pagat variojnë në çdo aeroport dhe në bazë të postit përkatës, e për rrjedhojë, norma fikse e kërkuar do të sillte një rritje tejet të lartë për disa. Sindikata paralajmëroi se prishja e negociatave mund të sjellë greva më të mëdha në aeroportet gjermanë.

Ditën e Hënë, greva në aeroportet Schoenefeld dhe Tegel të Berlinit, sollën vonesa dhe anulimin e mbi 60 fluturimeve.

Klevis Llaha/SCAN

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Teatri Kombëtar, kompania BIG e projektit nuk e mohon ndarjen nga Fusha.shpk

Aktualitet

Teatri Kombëtar, kompania BIG e projektit nuk e mohon ndarjen nga Fusha.shpk

Bjarke Ingels Group (BIG) ka konfirmuar se mbetet “i ngazëllyer” për “përfshirjen e vazhdueshme” në zhvillimin e ndërtesës së Teatrit Kombëtar në Tiranë, pa dhënë asnjë detaj në lidhje me...

Rinia e varfër e Ibrahim Kodrës

Kulturë

Rinia e varfër e Ibrahim Kodrës

Ibrahim Kodra, kur ishte 17 e pak vjeç, ishte “bursjer në kursin e dytë Daltë”. Për shkak të pamundësisë ekonomike, i lutet drejtorisë së Institutit Teknik “Naim Frashëri” në Tiranë...

Daniel Steel, shkrimtarja e pavlerësuar që hyri në librin Guinness

Kulturë

Daniel Steel, shkrimtarja e pavlerësuar që hyri në librin Guinness

Se shkrimtarja amerikane Daniel Steel ishte në një periudhë kohe një nga emrat më të dëgjuar të letërsisë, këtë e dinë të gjithë ata që kanë shkuar qoftë edhe një...

Sondazh

Nothing found!

Sondazh

Nothing found!