Shumë nga shpikjet më të vlerësuara morën dekada të tëra pune dhe mundi, por një numër i konsiderueshëm i disa shpikjeve të mëdha u zbuluan aksidentalisht. Ja disa nga arritjet më të mëdha të zbulimeve sipas MSN dhe vini re sesi ato u zbuluan, çfarë ndodhi dhe si e ndryshuan ato botën moderne.
Shkrepëset – 1826
Ky moment revolucionarizoi se si mund të ndizej zjarri, pasi më parë kishte qenë shumë më e vështirë për ta ndezur atë. Walker ishte duke shitur shkrepëset e tij të cilat i paketonte në kuti me letër zmerile. Për fat të keq, ai nuk arriti të merrte patentën për shpikjen e tij – dhe brenda pak vitesh, konkurrentët nxorën firmën e tij jashtë biznesit. Shpikësi i pafat ka një statujë në vendlindjen e tij.
Goma – 1839
Goma natyrale u bë popullore kur produktet e para u shitën në vitet 1830, por mania për llastikun brazilian të papërshkueshëm nga uji u zhduk shpejt. Njerëzit e urrenin të metën e saj fatale – ajo kthehej gurë e fortë në të ftohtë dhe shkrihej e plaste në vapë. Megjithatë, eksperimentet e vazhdueshme nga një amerikan, Charles Goodyear dhe pak fat do ta kthente atë në një element kryesor të jetës moderne, të përdorur kudo nga gomat tek këpucët. Historia tregon se Goodyear, nga Filadelfia, ishte duke u mburrur për butësinë e gomës së tij të re kur ai bëri një zbulim shumë më të madh. Thonë se duke tundur gomën në ajër, ajo i ra aksidentalisht në sobë. Në një mënyrë mjaft surprizuese substanca nuk u shkri.
Patatinat – 1853
Shpikësit të patatinave as nuk i shkonte në mend që ato të bëheshin hit. Kuzhinieri amerikan George Crum kishte përgatitur patate të skuqura për një klient në restorantin e Nju Jorkut në të cilin ai punonte në vitet 1850. Mysafiri vazhdonte të ankohej se nuk ishin mjaftueshëm të skuqura – kështu që Crum për t’u hakmarrë i preu patatet aq hollë, duke i skuqur shumë më tepër se ç’duhej. Ai u habit që klienti jo vetëm që nuk u ankua por i pëlqeu ato së tepërmi. Pjesën tjetër të historisë e merrni me mend..
Coca-Cola – 1885
Kimisti amerikan, Dr John Pemberton, fillimisht kishte menduar për Colen e tij me verë si një kurë për dhimbje koke, sipas Historisë. Lëvizja e temperamentit të 1880-ës në atdheun e tij të lindjes Atlanta e detyroi atë të shkurtonte me ngurrim recetën e verës dhe shurupit të koka, duke hequr alkoolin. Tani substanca duhej të ishte e holluar, por kur u provua për herë të parë me ujë të pijshëm, Pemberton kuptoi se kishte diçka fituese. Coca-Cola thotë se kontabilisti i kimistit dhe partneri i biznesit Frank Robinson vuri emrin e pijeve, si dhe logon e saj.
Plastika – 1907
Kimisti belg Leo Baekeland po përpiqej të krijonte një lloj rrëshire më të mirë, për ta përdorur ngjitëse, kur ai përfundoi duke shpikur plastikët siç e njohim. Përzierja e tij e kimikateve të nxehta në një tenxhere gjigande nuk rezultoi si rrëshirë, por Baekeland pa një potencial më të gjerë në substancën e lakueshme. Ai e quajti produktin e tij Bakelite, dhe në fillim të shekullit të 20 u bë një komponent jetik në radio dhe makina.
Penicilina – 1928
Shkencëtar Alexander Fleming bëri një nga zbulimet më të famshme aksidentale të gjitha kohërave kur zbuloi penicilinën në vitin 1928. Kur u kthye në shtëpi pas një feste, ai vuri re se myku kishte kontaminuar disi një pjatë të bakterit të stafilokokut që ai ishte duke studiuar. Kultura e mykut kishte krijuar mrekullisht një rreth rreth vetes, duke ndaluar rritjen e baktereve.
Mikrovala – 1945
Fizikanti amerikan Percy Spencer ishte një ekspert udhëheqës në përdorimin e radarëve në vitet 1940, duke ndihmuar në përmirësimin e një teknologjie jetike për përpjekjet e aleatëve për të fituar Luftën e Dytë Botërore. Ndërsa eksperimentonte me një pajisje radari, ai ishte i habitur për të gjetur çokollatën në xhepin e tij të shkrirë. Deri në vitin 1947 ai dhe punëdhënësi tij, Raytheon, kishin prodhuar mikrovalën e parë.
