“Të gjithë kriminelët, të bashkuar në një ideal dhe në mbrojtje të njëri-tjetrit”. Duke se kjo është motoja e rilindësve këto ditët e fundit teksa të gjithë nxitojnë të dalin në deklarata, intervista, postimi në rrjete sociale dhe të mbrojnë përdhunuesin e Fushë-Krujës, por me një kujdes të veçantë në mbrojtje të Taulant Ballës, edhe ky i akuzuar për një mijë të zezat ndër to edhe për përdhunim.

Nuk mund të mbetej mbrapa edhe Alket Hyseni, deputeti i Partisë Socialiste, i cili në një intervistë të dhënë për mediat ka mbrojtur fuqishëm kreun e Grupit të tij parlamentar, Taulant Ballën.

Por e mundet një krimineli t’i ecë mbrojtja e një krimineli tjetër?! “Po na mbulojnë me baltë”, tha Hyseni në intervistën e dhënë. Nuk e dimë se për çfarë balte e kishte fjalën Hyseni, mbase për akuzën që rëndon mbi të nga Krimet e Rënda se ka tjetërsuar  11 mijë metra katrorë tokë në Dhërmi.

Miku i Kryeministrit Rama dhe i Taulant Ballës është akuzuar publikisht dhe me dokumente që vërtetojnë katërcipërisht se ai ka vjedhur dhe ka falsifikuar dokumente për tu bërë pronar i kësaj toke.

Duket qartë se të gjithë këta bashkë, nga e njëjta vathë e krimit, Alket Hyseni dhe Taulant Balla, bëhen njësh në misionin e tyre për të kriminalizuar edhe më shumë vendin, në misionin për plaçkitjen e çdo gjëje në këtë vend. Tanimë janë bërë bashkë edhe në një prej krimeve më të rënda që mund të kryejë një njeri, përdhunimin dhe dhunimin sistematik të një vajze të re, të pambrojtur.55news.al