Fëmijë të mitur janë dhunuar sot nga policia me urdhër të kryeministrit Edi Rama sepse as më pak e as më shumë kërkojnë të shkojnë në shkollë. Në shkollën në Mengël të Elbasanit nxënësit kanë dy javë që protestojnë, sepse i kanë degdisur me kilometra larg. Sot ata kanë hyrë në shkollën e tyre, por janë ndeshur me dhunën e forcave policore dhe forcave speciale të armatosur deri në dhëmbë.

Por, duhet të themi se kjo dhunë ka kohë që ushtrohet mbi nxënësit dhe studentët shqiptarë nga kjo qeveri, dhe sot u shfaq publikisht, si veprim.

Ka kohë për shkak se nxënësit dhe parashkollorët dhunohen që me vendimin e Erjon Veliajt për ti detyruar prindërit të paguajnë biletën e autobusit.

Ka kohë për shkak se Lindita Nikolla miratoi ligjin për rritjen e tarifës së studimit dhe detyrimin e maturantëve për të studiuar në Universitetet private, shumica të varura nga drejtues socialistë.

Ka kohë që mbi nxënësit shqiptarë po ushtrohet dhunë, jo me goditje fizike si sot, por me fenomenin e hashashit. Fëmijët shqiptarë janë si asnjëherë më parë të ekspozuar para këtij krimi.

Ka kohë që nxënësit dhunohen sepse ata detyrohen sa herë që Rama dhe Lindita Nikolla propagandojnë në TV, i detyrojnë të shërbejnë si dekor.

Kjo qeveri ka kohë që dhunon nxënësit shqiptarë, ndonëse jo fizikisht si sot në Mengël, duke i detyruar që informimin dhe përgatitjen arsimore ta marrin nga militantë partie që vendin e punës e kanë ftuar pse janë pjesë e listave të kontributeve partiake.

Gjithashtu dhunimi i sotëm erdhi si shkak i tenderëve abuzivë që jepen në masë për gjoja riparime godinash dhe milionat e garave i fut në xhep miku i deputetit të zonës. 

Sot në Mengël të Elbasanit, nxënësit protestuan pse shkolla ju mbyll, dhe dajakun ata e provuan fizikisht mbi kokat e tyre. /55news.al