Elode për dinamitin, s’ka rruspë e as gjeneral “shpate” që ia merr perspektivën

Tuesday, 27 November 2018 20:56

Nga Ilir Nikolla

Sjellja e qeverisë, e cila u mundua t’ia faturonte përgjegjësinë për plagosjen e një efektiveje të policisë në protestën e qytetarëve të Unazës së Re, cilësisë së jashtëzakonshme dhe ultramoderne të kapsollës, ishte tregues i panikut në të cilin është gjendur Edi Rama nga reagimi i protestuesve. Në mendjen e kryeministrit është bërë një analizë dhe i vetmi fakt që është evidentuar si i ndryshuar nga regjimi shkatërrues i viteve 2014-2015, është kalimi nga rruspa në dinamitin e mijëvjeçarit të ri.
Atëhere analiza infantile ka nxjerrë përfundimin se dinamiti është i keq, është modern, është jo nën kontrollin e tij, prandaj t’i kthehemi metodës së vjetër, rruspës, mundësisht prishjes së shtëpive dhe llogoreve të protestuesve me kazma e lopata. Procesi është më i ngadaltë, por më i kontrollueshëm dhe më i sigurtë. Edhe dëmet do të kontrolloheshin, dhe s’do të ishin aq simbolike sa gishtat e vajzës, për fatin e së cilës, një elegji seksiste dhe thellësisht të dënueshme mbajti dje Erion Veliaj (ku dreqin janë atëhere kur duhen këto shoqatat e grave?).
Rikthimi tek rruspa është një analogji që është parë dhjetëra herë në histori. Është njësoj si në kohën e kalbëzimit të regjimit të romakëve, të cilët nga përpjekja për të mbajtur nën kontroll kryengritjet, ngritën sistemin e kolonëve, ku nga një copë tokë u jepej disa skllevërve, me shpresë se ata do të ishin aleatët e tyre kundër skllevërve të vërtetë. Më tej filmi u përsërit me bujkrobërit e Mesjetës a Rusisë dhe në fund me ata të “privilegjuar” të revolucionit industrial, të cilët me përbuzje, Lenini që kishte në mendje vetëm rruspën dhe shkatërrimin, i quante “aristokraci e klasës punëtore”.
Kjo kategori po kërkohet të identifikohet tek protestuesit e Unazës së Re dhe në skenë kanë dalë karamelet e trojeve në shërbim të ngritjes së pallateve të reja, pasi s’funksionuan as banesat sociale e as të ashtuquajturat qira të paguara, po që në fakt të tilla s’kanë qenë asnjëherë. Për identifikimin e kësaj kategorie, Rama e Veliaj kanë nevojë për kohë, prandaj rruspa është element më i sigurtë sesa dinamiti. Erion Veliaj ka nisur lojën e luledeles “kam dy rruspa, sa shtëpi do prish sot?” dhe hëpërhë, numri mbetet i ulët, dje 2 e sot 4 (se ku i gjeti 4, s’merret vesh”.
Por tani në fakt ka kaluar koha e negociimit për kolonë, bujkrobër apo aristokraci punëtorësh në industrinë e ndërtimit. Sot është rasti për t’i bërë elode dinamitit. Ai s’është hiç i fajshëm, u shpik nga kinezët 25 shekuj më parë si element dekorativ e festiv. Për këtë qëllim edhe importohet në Shqipëri dhe zbulimet e general Lleshit se qenka i rrezikshëm, tani që është stina e protestave, s’bindin kënd. Dinamitin e duam edhe për zgjidhjet finale që jep. Ai ka qenë elementi modern që shpëtoi njerëzimin nga nomenklaturat e urryera të shpatës, dhe tani po na shfaqet çuditërisht si një pengesë për regjimin retrograd të rruspave. Nëpërmjet një aksidenti, dinamiti i futi tmerrin regjimit Rama-Veliaj. Imagjinoni ç’mund të bëjë një party-protestë që s’i përjashton fishekzjarret. Përpjekjet për ndalimin e përdorimit të shpikjes “barut” janë rrënuar para një mijë vjetësh dhe zgjidhja doktrinare e gjeneral Lleshit sot për t’i ndaluar fishekzjarret nuk ia nxjerr Ramës lepurin nga barku. Imagjinoni jo një, por dhjetë, 100 Dorian Drobaj që hedhin fishekzjarre në llamarinat e Xhamisë së Namazgjasë. Ky shëmbëllim e ka tmerruar Edi Ramën, i cili mendon se si në antikitet, mund të jepet urdhër për anulimin e shpikjeve, për ndalimin e rrotës ta zëmë dhe tërheqjen e parmendës sërish nga kafshët (apo prite Zot, njeriu).
Koha është për elode për dinamitin, le të bëjë ç’të dojë lepuri në barqet e disave.

Modifikuar më E mërkurë, 28 November 2018 14:11

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Mbërrijnë në Prishtinë automjetet ushtarake amerikane për ushtrinë e Kosovës

Bota Shqiptare

Mbërrijnë në Prishtinë automjetet ushtarake amerikane për ushtrinë e Kosovës

24 automjete ushtarake “Humvee” kanë ardhur nga Shtetet e Bashkuara, në Kosovë. Këto mjete pritet të jenë në dispozicion të Forcave të Armatosura të Kosovës, të cilat pritet të themelohen me...

Çifti shkodran përplaset për pronat, gruaja: Ja more tokat fëmijëve të tu për vëllain!

Aktualitet

Çifti shkodran përplaset për pronat, gruaja: Ja more tokat fëmijëve të tu për vëllain!

Pronat duket se vijojnë të jenë burim konflikti në shumë familje shqiptare. Këtë të diel, në rubrikën “Shihemi në gjyq” ishin bashkëshortët nga Shkodra, Suzana dhe Gasper Rrotaj. Shkaku ishte një...

Pedagogia e Fakultetit Histori-Filologji Lili Sula: Unë sot jam student!

Aktualitet

Pedagogia e Fakultetit Histori-Filologji Lili Sula: Unë sot jam student!

Me studentet protestues eshte bashkuar dhe pedagogia e Fakultetit Histori Filologji Lili Sula. Ne rrjetin social Fb znj.Sula shkruan:  - "Media mund të cungojë dhe tjetërsojë mendimin e një pedagogeje...

Sondazh

Nothing found!

Sondazh

Nothing found!