Zëri i Amerikës: Studentët, gati për rifillimin e protestave

Diel, 06 Janar 2019 10:01

Në Tiranë, studentët e universiteteve publike po përgatitin rifillimin e protestave me kërkesat e tyre ekonomike dhe akademike. Ata thonë se vendimet e fundit të qeverisë nuk i përmbushin kërkesat e tyre. Jeta universitare në Shqipëri është paralizuar nga fillimi i dhjetorit, kur auditoret u zbrazën për shkak të disa tarifave të papërballueshme, shkruan Zëri i Amerikës.

Protesta e studentëve pritet të rifillojë të hënën me 8 kërkesa ekonomike dhe akademike, që lidhen me uljen e tarifave dhe plotësimin e të drejtave studentore dhe kushtet e jetesës.

Protesta sërish do të vazhdojë para kryeministrisë në shëtitoren Dëshmorët e Kombit, ndërsa studentët thonë se ata janë po aq të vendosur sa në fiillim, se nuk janë të përçarë, nuk kanë kryesi, nuk kanë përfaqësi dhe se nuk kanë bisedime me qeverinë.

Studentët thonë se mungesat në universitet janë të shumta, por këmbëngulin që qeveria të plotësojë kërkesat e tyre themelore.

Studentët janë të shqetësuar për ndërprerjen e studimeve, sepse kanë një muaj, që janë larguar nga auditoret.

Ata nuk kanë ndonjë vlerësim të ri për zëvendës ministren që u bë ministre, derisa ishte pjesë e kabinetit të mëparshëm.

Studentët kërkojnë që sa më parë t’u plotësohen kërkesat minimale, siçi quajnë ata, dhe të kthehen në auditore.

Protesta njëmujore e studentëve është paqësore, nuk u regjistrua ndonjë akt dhune apo dëmtim në mjedis, ndaj gjeti mbështetje nga qytetarët.

Qeveria ka miratuar disa vendime dhe ka kërkuar dialog me studentët, por sipas tyre, dialogu nuk është i nevojshëm në nivelin e kërkesave minimale bazike të të drejtave njerëzore.

Pas plotësimit të këtyre, secili fakultet mund të diskutojë për nevojat specifike, që kanë sipas profilit të vet, por kjo do të vijë pas plotësimit të kërkesave uniforme, që ata kanë në dobi të të gjithë studentëve.

Modifikuar më Diel, 06 Janar 2019 15:01
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...