"Vetëm Arta mbetet", Bylykbashi bën krahasimin me Prokurorin e ShBA-ve

E Enjte, 08 November 2018 10:42

Deputeti i Partisë Demokratike Oerd Bylykbashi, ka reaguar pas shkarkimit të Prokurorit të Përgjithshëm të SHBA-ve, Jeff Sessions.

Bylykbashi, bën një krahasim mes asaj çfarë ka ndodhur në SHBA dhe asaj që po ndodh sot në Shqipëri, ku kemi Kryeprokuroren e Përkohëshme Arta Marku ende në detyrë, edhe pse u zgjodh në kundërshtim me kushtetutën.

“Vetem Arta mbetet‎

Jeff Sessions, Prokurori i Pergjithshem i SHBA qe u caktua sipas Kushtetutes per te pakten 4 vite u shkarkua nga Presidenti Trump pas vetem dy vitesh.‎

Ama, Arta Marku, Prokurorja e Pergjitheshme e Perkoheshme qe u votua kunder Kushtetutes vetem per 2 muaj, po mbush vitin ne detyren e saj te perkoheshme, madje kerkon 200 veta shtese ne personel. Nuk eshte cudi qe ajo te rrije 4 vite.‎

Kjo reforma jone ne drejtesi duhet eksportuar sepse rezulton nje “sukses” qe te le pa fryme. Per shembull, do t’i kishte kursyer Amerikes nje muaj debat per gjyqtarin e Gjykates Supreme, sepse nuk do kishin gjykate fare.‎”, shkruan Bylykbashi.

Presidenti Donald Trump, dha dje lajmin se ka shkarkuar nga detyra Prokurorin e Përgjithshëm të SHBA-ve, Jeff Sessions.

Trump e ka kritikuar zyrtarisht Sessions për muaj me radhë, kryesisht për refuzimin e tij për të mbikqyrur hetimin për ndërhyrjen e supozuar ruse në favor të Trump në zgjedhjet e 2016-ës.

“Ne e falënderojmë Prokurorin e Përgjithshëm Jeff Sessions për shërbimin e tij! Emri i zëvendësuesit do të prezantohet në një datë të mëvonshme.”, shkruan Trump.

Shefi i stafit të Sessions, Matthew Whitaker, i cili e ka kritikuar hetimin, do të marrë përsipër përkohësisht detyrën e Prokurorit të Përgjithshëm, shkruan BBC.

Pse Trump e ka pushuar Sessions?

Presidenti Trump e ka kritikuar disa herë, zyrtarin e tij të lartë të zbatimit të ligjit që kur Sessions hoqi dorë nga hetimi i Rusisë në mars 2017-ës.

Në korrik të vitit 2017, Trump tha për “New York Times”: “Sessions nuk duhet të ishte tërhequr dhe nëse ai do të tërhiqej duhet të ma thoshte para se të merrte punën, pasi do kisha zgjedhur dikë tjetër.”

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...