Mononukleoza, sëmundja e puthjes

Diel, 17 June 2018 14:29

Mesa duket, puthjet përveç kënaqësisë që të falin, janë edhe të rrezikshme për shëndetin. Nëse keni dëgjuar ndonjëherë se ndokush është sëmurë nga puthjet, me siguri nuk jeni dakord në lidhje me këtë. Mësoni gjithçka nga ky infeksion i rrezikshëm virusal…

Mononukleoza është një infeksion virusal që shkakton ethe, dhimbje fyti, kokëdhembje, zmadhimi i nyjeve limfatike, lodhje, dhimbje të muskujve. Mononukleoza infektive shpeshherë quhet edhe si “sëmundja e puthjes” e cila shpesh paraqitet tek adoleshentët dhe të rinjtë, mes moshës 15-25 vjet.

Mononukleoza zakonisht kalon pa komplikime, nuk është e rrezikshme, por është rraskapitëse, me efekte të ngjashme si gripi. Edhe pse shumica e simptomave të sëmundjes zhduken për disa javë, sërish mund të kalojnë muaj deri sa trupi të shërohet plotësisht. Prandaj, rekomandohet të pushoni mirë deri sa të eliminoni shenjat e sëmundjes, evitoni përpjekjet e shumta, aktivitetet e përditshme në punë ose shkollë, sepse shume lehtë mund t’ju rikthehet.

Sëmundje virusale që ju rraskapit

Zakonisht përhapet nga personi në person përmes pështymës. Virusi i mononukleozës gjatë 18 muajve të parë sekreton pështymë, ndërsa në organizëm qëndron për tërë jetën. Forma më e zakonshme e transmetimit është përmes puthjes si dhe kontaktit me objekte të infektuar me pështymë, si psh. pirja e ujit nga gota e tjetrit. Shumica mund të infektohen me virusin që në fëmijëri, në mënyrë indirekte përmes pikave të pështymës në lodra. Përderisa shumë njerëz janë të ekspozuar ndaj virusit Epstein-Barr gjatë jetës, disa prej tyre mund të zhvillojnë simptomat e mononukleozës infektive. Pothuajse deri në 50 fëmijë kanë pasur infeksionin e parë nga ky virus deri në moshën 5 vjeçare. Tek shumica e njerëzve, ky infeksion nuk shfaq pothuajse asnjë simptomë. Përhapja e virusit është më e fortë tek pacientët me një sistem të dobët imunitar.

Shenjat e sëmundjes

Koha që nga kontakti me virusin e deri në paraqitjen e simptomave të sëmundjes, zgjat nga dy deri në gjashtë javë. Simptomat e mononukleozës janë të ngjashme me ato të gripit apo dhimbjeve të fytit. Së pari shfaqet lodhje, humbje e oreksit dhe dhimbjeve të muskujve. Dhimbjet e fytit zakonisht zgjasin nga 5 deri 7 ditë. Temperatura apo ethet zakonisht marrin kohë nga 7-14 ditë, por nganjëherë edhe më gjatë. Kohëzgjatje më të madhe ka simptoma e lodhjes, por pas disa javësh shumica e pacientëve ndihen të gatshëm për kryerjen e aktiviteteve të përditshme.

Trajtimi kryesor është pushimi

Kundër virusit të mononukleozës nuk ka shërim. Antibiotikët nuk funksionojnë sepse mononukleoza nuk është një infeksion bakterial. Gjëja më e rëndësishme është pushimi, kjo nuk nënkupton regjim shtrati, por jo edhe punë të rënda, sepse mononukleoza ndikon në plogështinë e trupit. Për këtë lloj infeksioni, janë të nevojshëm disa javë pushimi, ndërsa aktiviteti i rëndë fizik duhet evituar 6-8 javë gjatë procesit shërues. Deri sa keni temperaturë është mirë të pini shumë lëngje dhe për uljen e temperaturës mund të konsumoni paracetamol. Mjekët rekomandojnë që fëmijët të shmangin konsumin e ilaçeve që përmbajnë cid acetilsalicilik, aspirinë ose Andol, për shkak të rrezikut të komplikimeve. Gjatë virusit të mononukleozës, ushqimi duhet të jetë i pasur me proteina të kualitetit të lartë, që janë të nevojshme për shërim të trupit. Burimet e proteinave me vlera të larta janë vezët, peshku dhe qumështi.

Si të parandaloni infeksionin

Tek mononukleoza, parandalimi është i thjeshtë, duhet të shmangni kontaktin me pështymën e njerëzve që kanë vuajtur së fundmi nga mononukleoza dhe sidomos kushtoni vëmendje higjienës nëse qëndroni pranë tyre. Virusi, shkaktar për mononukleozën, përhapet përmes pështymës, kështu që pacientët duhet të shmangin puthjet, të mbulojnë hundën dhe gojën gjatë teshtitjes apo kollitjes si dhe të lajnë duart. /fax/

Modifikuar më Diel, 17 June 2018 14:35
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...