Sabien Lilaj mohoi pretendimet e Panuccit se ishte i dëmtuar dhe prandaj nuk ishte thërritur. “Grumbullimi im? Nuk e di çfarë ka thënë trajneri, por unë kam qenë në formë të mirë, thjesht mungoi thërritja. Por pas dëmtimit të Ramadanit erdhi grumbullimi dhe unë iu përgjigja ftesës, pasi për ekipin kombëtar jemi gjithmonë gati”, tha mesfushori.
Ndërsa për lojën, Lilaj shtoi: “Mendoj që e kishim studiuar mirë kundërshtarin dhe u munduam ta godisnim te pikat e dobëta të tij. Ia arritëm deri diku pasi loja ishte e kënaqshme, por nuk arritëm edhe pse kishim disa mundësi. Por futbolli kështu e ka dhe kur nuk shënon e pëson dhe humbet ndeshjen” tha pas ndeshjes Sabien Lilaj.
