Europa league/ Lazio eliminon nënkampionët e OM falë Strakoshës

E Enjte, 08 November 2018 21:44

Eintracht Frankfurt dhe Lazio mbyllën llogaritë në grupin H të Europa League duke u kualifikuar edhe matematikisht në fazën tjetër. Bardhekaltrit e Simone Inzaghit morën një tjetër fitore ndaj Olympique Marseille duke thelluar krizën e skuadrës së Rudi Garcias që ndryshe nga sezonin e kaluar ku shkoi deri në finale këtë herë u eliminua që në fazën e grupeve.

Golat e Parolos dhe Immobiles bënë të pavlefshëm edhe finalizimin e Thauvin për miqtë, por një meritë të padiskutueshme për kualifikimin e kryeqytetasve e kishte Thomas Strakosha që rezultoi deçiziv me pritjet e tij, bashkë me kuqeziun në fushë ishin dhe dy lojtarët me origjinë shqiptare Valon Berisha dhe Riza Durmisi. Lazio do të diskutojë me Frankfurtin në sfidën direkte vendin e parë në grup pasi gjermanët vazhduan ecurinë e shkëlqyer.

Falë suksesit 2-3 në Nicosia ndaj Apollon Limasol, Frankfurti kryeson me pikë të plota grupin, pas 4 ndeshjeve të para. U kualfikua zyrtarisht në raundin tjetër edhe Chelsea që në Borisov Arena fitoi 0-1 ndaj Bates me një gol të Olivier Giruod. 12 pikë për Chelsea-in në grupin L që ndiqet nga hungarezët e Mol Vidit me 6 pikë të cilët mposhtën për herë të dytë në 2 javë Paokun e Selanikut këtë herë me rezultatin e ngushtë 1-0. Në grupin K me një këmbë në fazën tjetër është edhe Dinamo e Kievit që fitoi me shifrat 3-1 ndaj Rennes.

2 barazime 1-1 në grupin në sfidat Genk-Besiktas dhe Malmo-Sarpsborg që lanë gjithçka të hapur përsa i përket skuadrave që do të kualifikohen për dy ndeshjet e fundit.Fitore me përmbysje me shifrat 4-3 për Spartakun e Moskës në grupin G ndaj skocezëve të Rangers. Eros Grezda u aktivizua vetëm në minutën e 82-të nga trajneri i Rangers, Steven Gerard.

Në ndeshjen tjetër të këtij grupi Villareali u ndal në një barazim pa gola nga Rapid i Vienës në Austri. Në grupin J ndërkohë hodhën një hap të rëndësishëm drejt kualfikimit Sevilla dhe Krasnodar falë fitoreve respektivisht ndaj Akhisar në transfertë me shifrat 3-2 nga spanjollët dhe Standartit të Liezhit në shtëpi me shifrat 2-1 nga rusët.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Operacioni policor në Elbasan, ja kush u arrestua nga fisi Çapja

Aktualitet

Operacioni policor në Elbasan, ja kush u arrestua nga fisi Çapja

Enver Çapja, 57 vjeç dhe Naim Gjarri, 38 vje, janë dy personat e arrestuar sot në Elbasan në kuadër të operacionit "Forca e Ligjit". Operacioni policor i kryesuar nga policia e...

Vasili: Policia që i vjedh provimin vetes nuk mund të garantojë jetën e qytetarëve

Politikë

Vasili: Policia që i vjedh provimin vetes nuk mund të garantojë jetën e qytetarëve

Pas anulimit të testimit për marrjen e gradave në Policinë e Shtetit, ka ardhur dhe reagimi i kreut të grupit parlamentar i Lëvizjes Socialiste për Integrim. Me anë të një postimi...

“Kriza” e bujqësisë, fermerët në Lushnje ankohen për çmimin e ulët

Aktualitet

“Kriza” e bujqësisë, fermerët në Lushnje ankohen për çmimin e ulët

Përdorimi i pesticideve të produkteve bujqësore ka shkaktuar një ulje të shitjeve e cila pasohet dhe me uljen e çmimeve. Por vetë prodhuesit deklarojnë se nuk përdorin kimikate dhe se...

Sondazh

Nothing found!

Sondazh

Nothing found!