Një 54-vjeçar grek është arrestuar pasi në makinën e tij është zbuluar 10.2 kg drogë.
Policia ka bërë të mundur arrestimin e tij pranë kufirit greko-shqiptar, ndërkohë që po heton origjinën e drogës , e cila mendohet të jetë Shqipëria.
Sipas policisë, shtetasi grek e kishte fshehur drogën në çantën e udhëtimit, ndërkohë që lënda narkotike ishte ndarë në 10 qese të ndryshme.
Ky është rasti i dytë brenda javës që policia sekuestron në kufirin grek lëndë narkotike me origjinë nga Shqipëria.
