Një tjetër balenë është gjetur e ngordhur buzë detit pasi kishte përtypur plot 29 kilogramë mbeturina në ujërat e Murcias, Spanjë.
Fotografia e trishtë është përhapur me shpejtësi në internet duke na kujtuar sesi po e dëmtojmë ekosistemin ujor për shkak të hedhjes së mbetjeve plastike të padekompozueshme.
Një grup aktivistësh të mbrojtjes së ambientit hetuan ngordhjen e balenës dhe zbuluan se kishte ardhur si pasojë e përtypjes së 29 kg mbetje plastike që më pas i kishin shkatërruar stomakun.
Pas autopsisë ata panë se balena kishte përtypur litarë, qese plastike, rrjeta e bidona plastikë.
Kjo është balena e dytë që vdes brenda pak muajsh për shkak të përypjes së mbetjeve plastike.
