Sipas njoftimit zyrtar të Gjykatës së Lartë, regjistrimi i rekursit është bërë më datën 18 korrik 2018, ku prokuroria kërkon “Caktimin e masës së sigurimit personal arrest në burg” për personin nën hetim, Saimir Tahiri.

Rekursi u paraqit në Gjykatën e Lartë nga prokuroria pasi Gjykata e Apelit për Krime të Rënda, hoqi masën e arrestit në shtëpi ndaj ish-ministrit të Brendshëm që hetohet për trafik droge në bashkëpunim me grupin e vëllezërve Habilaj nga Vlora dhe për shpërdorim detyre.

Masa e arrestit me burg ishte kërkuar nga prokuroria edhe në Gjykatën e Shkallës së Parë për ish-ministrin Tahiri, por më 12 maj të këtij viti togat e zeza refuzuan burgosjen e ish-ministrit duke e lënë atë në arrest shtëpie.

Ish-zyrtari qëndroi në këtë masë vetëm për dy javë, pasi Gjykata e Apelit e shfuqizoi atë duke e lënë të lirë Saimir Tahirin pa masë sigurimi.

The post Arrestimi i Tahirit, Gjykata e Lartë regjistron rekursin appeared first on 55 News.

Mbrëmjen e djeshme janë vjedhur banesat e dy vëllezërve Naci.

Por kjo ishte vetëm për mbrëmjen e djeshme, pasi ditët e mëparshme janë denoncuar një numër i lartë vjedhjesh nga banorët e fshatit.

Banorët kanë denoncuar në polici vjedhjen në shtëpive të tyre, ndërsa personat që kanë dhunuar banesat mbeten ende të paidentifikuar. Sipas banoreve, janë vjedhur orendi shtëpiake. Agresorët kanë dëmtuar rrjetat e hekurt të dritareve për të hyrë në banese.

Ndonëse vjedhjet kanë qenë të përsëritura policia deri më tani nuk ka bërë asgjë për arrestimin e agresorëve dhe për parandalimin e të tjera aksioneve.

The post Vlorë/ Vjedhje masive e banesave, autorët ende të lirë appeared first on 55 News.

Pamundësia e Kosovës që të bëhet anëtare e INTERPOL-it, po shihet si pengesë për spastrimin e listës së personave të kërkuar mbi bazën e urdhër-arresteve të Serbisë.

Në mesin e atyre që u janë kthyer emrat në këto lista, janë edhe presidenti Hashim Thaçi dhe kryeministri Ramush Haradinaj.

Këtë e ka bërë të ditur ministri i Punëve të Brendshme në Qeverinë e Serbisë, Nebojsha Stefanovic.
Sipas tij, akuzat e organeve të Serbisë ndaj shqiptarëve të Kosovës janë rikthyer tashmë në sistemin e INTERPOL-it.

Në këto lista, ka nënvizuar Stefanovic, ndonëse u figurojnë emrat, akuzat ndaj presidentit të Kosovës Hashim Thaçi dhe kryeministrit Ramush Haradinaj, nuk do të zbatohen në këtë fazë, për shkak të funksioneve që kanë aktualisht Thaçi e Haradinaj.

Ministri serb ka thënë se kthimi i akuzave në dosjet e INTERPOL-it, pasoi presionin e Serbisë ndaj këtij institucioni, duke kërkuar që të respektohet e Drejta Ndërkombëtare.

Në Qeverinë e Kosovës kanë thënë se janë duke e përcjellë me vëmendje situatën dhe se janë duke mbledhur informacionet e nevojshme, për të dalë pastaj me një qëndrim zyrtar.

​Zëvendëskryetari i parë i Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, Rexhep Selimi, ka thënë për Radion Evropa e Lirë se ky veprim i Serbisë nuk është i papritur.

Deputeti i Lëvizjes Vetëvendosje, ka thënë se këtë e sheh edhe si presion të Serbisë karshi Kosovës për të lëshuar pe në fusha të tjera.

“Edhe rikthimin e emrave në listat e INTERPOL-it të shumë pjesëtarëve të Ushtrisë Çlirimtare të Kosovës, unë e shoh edhe më shumë si një presion që Kosova të lëshojë pe edhe në fushat tjera. Pra, e dimë që Serbia i do ushtarët e Ushtrisë Çlirimtare të Kosovës në bankat e të akuzuarve, por më shumë se kaq Serbia do që Kosovën ta mbajë në vazhdimësi nën presion, qoftë edhe me këto lista në këtë rast”, ka thënë Selimi.

Sipas tij, që këto probleme të mos përsëriten në pafundësi, Kosova duhet sa më parë të bëhet anëtare e INTERPOL-it.

“Institucionet e Kosovës duhet të punojnë më shumë që Kosovën ta anëtarësojnë në INTERPOL, gjë që është mundësia të ndodhë sivjet. Edhe ne po japim kontributin tonë të jashtëzakonshëm edhe nga pozicioni i opozitës dhe në anën tjetër, do të duhej që me Serbinë ta kishin një qasje tjetër të komunikimit”, ka theksuar deputeti Selimi.

Ehat Miftaraj nga Instituti i Kosovës për Drejtësi, ka thënë se Serbia në vazhdimësi ka keqpërdorur pozitën që ka në INTERPOL për të lëshuar fletarreste ndërkombëtare ndaj shtetasve të Kosovës.

“Sigurisht që rol vendimtar këtu luajnë edhe Bashkimi Evropian, Brukseli, të cilët pothuajse asnjëherë nuk e kanë marrë shumë seriozisht këtë çështje, duke i lënë qytetarët e Kosovës në njëfarë mënyrë në mëshirën e Serbisë, duke i maltretuar në shumë e shumë raste kur të njëjtit janë arrestuar në bazë të këtyre fletarresteve, janë mbajtur në paraburgim në shtetet e Bashkimin Evropian me muaj, e ndonjëherë edhe me vite dhe pastaj të njëjtit më vonë janë liruar”, ka thënë Miftaraj.

Në fillim të vitit të kaluar, kryeministri i tanishëm i Kosovës Ramush Haradinaj, ishte arrestuar nga policia franceze, në bazë të një urdhërarresti ndërkombëtar të lëshuar nga Serbia.

Haradinaj ishte arrestuar edhe në Slloveni në vitin 2015, arrestim ky i bazuar, po ashtu në fletarrestin e Interpolit, lëshuar nga policia e Serbisë në vitin 2006.

E në fund të vitit të kaluar, emri i kryeministrit Ramush Haradinaj dhe emrat e 17 personave, ishin larguar nga lista e INTERPOL-it për arrestim.

Pritet që gjatë këtij viti Kosova të jetë anëtare e organizatës më të madhe të policisë në botë, INTERPOL. /rel/ informacion i marrë nga Radion Evropa e Lirë.

The post Serbia kërkon të arrestoj kosovarët përmes INTERPOL. Në listë janë Thaçi e Haradinaj? appeared first on 55 News.