bebe rexha Archives - 55 News

Kryemadhi zbardh skandalin: Bebe Rexhës nuk i japin leje për rindërtimin e 2 shtëpive në Bubq dhe Bizë

Koz Dynjaja — Sat, 29 Feb 2020 12:33:55 +0000

Monika Kryemadhi ka bërë publik sot nga Vlora, me fakte, sesi i ashtuquajturi projekt rindërtimi i qeverisë Rama, është i kapur nga korrupsioni dhe i mbytur nga burokracitë.

Edhe pse pas tërmetit, e mirënjohura Bebe Rexha mbërriti në Shqipëri, në Bubq, dhe mori përsipër të financohen ndërtimin e dy shtëpive, sot e kësaj dite asaj nuk i jepet leja zhvillimore nga qeveria.

“Mjafton që t’i kujtoj Kryeministrit Edi Rama, – tha Kryemadhi, – se si është të marrësh një leje ndërtimi, siç e tha ai, “për 5 ditë”!

Unë kam tre muaj që për hir një lidhjes sime familjare, Bebe Rexha mori përsipër të ndërtonte dy shtëpi, një në Bubq dhe një në Bizë dhe i ndau, një shtëpi të krishterësh dhe një myslimanësh.

Ajo në Bubq ishte shtëpia e dy jetimëve që jetonin me gjyshen e gjyshen; të rinjtë ishin studentë dhe gjyshërit i mbanin me pensionet e tyre.

Mbasi janë paguar paratë për të bërë projektin, janë bërë tërë dokumentacionet, sot e kësaj dite – dhe kjo është një njeri me famë botërore – nuk i kanë dhënë leje ndërtimi se na duhet “leje zhvillimore”!!!

E njejta gjë edhe në Bizë, po i sorrollasin në mënyrën më të tmerrshme.

Mendoni, në dy shtëpi që kanë mundësi financiare për t’u ndërtuar dhe që u thanë edhe se për këtë ndihmë, ju dhanë formular, duhet të hiqni dorë nga ndihma e shtetit. Dhe sot e kësaj dite, ata hoqën dorë nga ndihma e shtetit, por vazhdojnë të jetojnë në çadër dhe presin lejen e ndërtimit për shtëpi.”

The post Kryemadhi zbardh skandalin: Bebe Rexhës nuk i japin leje për rindërtimin e 2 shtëpive në Bubq dhe Bizë appeared first on 55 News.

Meta: Vuri zemrën në këtë aksion. Bebe Rexha thirrje shqiptarëve: Momenti juaj që të kontribuoni për familjet në nevojë

Koz Dynjaja — Mon, 02 Dec 2019 15:47:31 +0000

Presidenti Ilir Meta ka falënderuar publikisht këngaren e njohur me origjinë shqiptare Bebe Rexha, e cila vendosi që të financojë ndërtimin e dy banesave të dëmtuara nga tërmeti i 26 nëntorit. Pasi inspektuan nga afër banesën e dytë që do të kontribuonte për rindërtim Bebe Rexha, kreu i shtetit theksoi se këngëtarja vendosi zemrën e saj në këtë aksion dhe la pas axhendën muzikore.

“I jam shumë mirënjohës Bebe Rexhës, artistes me fame botërorë, e cila i ka kushtuar kësaj tragjedie kohën e saj, ka ndryshuar axhendën. Ka vendosur zemrën e saj në këtë aksion konrekt, për të qenë pranë komuniteteve më të prekura. Për të sjellë në vëmendjen këtë tragjedi dhe këtë krizë humanitare përpara opinionit ndërkombëtar. Prandaj, shume faleminderit edhe njëherë Bebe për këtë solidaritet, për këtë krenari që ndjen që je shqiptare dhe për faktin që je me ne në momente të vështira, nga të cilat mund të themi se nuk i kemi i përjetuar prej shumë kohësh. Përmes këtij solidariteti do t’i përballojmë dhe do ndihmojmë situatën”, tha Meta. Ndërkohë, këngëtarja Bebe Rexha ripërsëriti edhe njëherë faktin se ishte krenare që ishte shqiptare, ndërsa ftoi të gjithë bashkatdhetarët e saj kudo në botë që të japin kontributin e tyre për këto familje në nevojë.

“Jam shumë krenare që jam shqiptare dhe jam e lumtur që po ndihmoj një tjetër familje. Jemi të fortë. Jam krenare që jam shqiptare dhe jam krenare që po ndihmoj shqiptarë të tjerë. Të gjithë shqiptarët nëpër botë, ky është momenti ku mund të kontribuojnë dhe të ndihmoni familjet shqiptare. Të ndihmoni njerëzit tanë që të ndërtojnë një shtëpi dhe të kenë një jetë më të mirë.”, tha Bebe Rexha.

The post Meta: Vuri zemrën në këtë aksion. Bebe Rexha thirrje shqiptarëve: Momenti juaj që të kontribuoni për familjet në nevojë appeared first on 55 News.

Meta përkrah Bebe Rexhës në Ishëm

Koz Dynjaja — Mon, 02 Dec 2019 15:19:36 +0000

Së bashku me Bebe Rexha, duke vizituar një nga familjet e prekura rëndë nga tërmeti në Bizë (Ishëm)

https://www.facebook.com/7878bda9-0e94-4bb1-90ad-85241f57e80e” height=”282″ width=”500″>

Presidenti Meta se bashku me këngëtaren me fame botërore Bebe Rexha, e cila udhëtoi nga SHBA, drejt Shqipërisë për t’u solidarizuar me familjet e prekura nga tërmeti i fuqishëm, po vizitojnë fshatin Bizën në Ishëm.

Po ashtu mësohet se ata do të vizitojnë nga afër edhe familjet e prekura nga fenomeni. Pavarësisht momenteve të paniku që kaluan dhe po kalojnë këta banorë, fëmijët e tyre ishin organizuar për të mikpritur këngëtaren me origjinë shqiptare, ndërsa e surprizuan atë me një këngë. Bebe Rexha ka dëgjuar më shumë kenaqësi këngën e vogëlushëve ‘Ja na erdhi Viti i Ri’, ndërsa iu ka shpërndarë më pas atyre lëpirëse dhe çokollata.

Bebe Rexha u nis në këtë iniciativë solidariteti së bashku me babanë e saj, ndërsa ajo shoqërohej dhe nga vajza e vogël e Metës, Era, më të cilën ka një lidhje të veçantë.

The post Meta përkrah Bebe Rexhës në Ishëm appeared first on 55 News.

Bebe Rexha mbërrin në Bubq dhe jep mesazhin prekës: Në venat e mia rrjedh gjak shqiptar, do ndërtoj dy shtëpi

Koz Dynjaja — Mon, 02 Dec 2019 13:53:48 +0000

Këngëtarja e famshme Bebe Rexha, ashtu siç kishte premtuar, ka mbërritur në Shqipëri për të parë situatën pas tërmetit shkatërrues të 26 nëntorit.
30-vjeçarja ndodhet në shtëpinë e një familjeje në fshatin Bubq.
“Pavarësisht sa e famshme jam, në venat e mia kam gjak shqiptar. E dua origjinën time”, tha këngëtarja për mediat.
“Kam grumbulluar fonde dhe do të ndërtoj dy shtëpi për dy familje. Do ta ndjek vetë nga fillimi në fund procesin”, shtoi Bebe Rexha.
Para disa ditësh, në Twitter Bebe Rexha shkruante: “Mora lajmin e tmerrshëm për tërmetin në Shqipëri. Kam vendosur të mbledh fonde për të gjithë ata që kanë nevojë. Do të vij personalisht në Shqipëri dhe do u jap njerëzve ushqim, ujë dhe do t’i ndihmoj për të rindërtuar shtëpitë. Do të sigurohem që paratë të përdoren siç duhet”.

The post Bebe Rexha mbërrin në Bubq dhe jep mesazhin prekës: Në venat e mia rrjedh gjak shqiptar, do ndërtoj dy shtëpi appeared first on 55 News.

Bebe Rexha dhe shumë yje tjera bëjnë thirrje kundër vrasjeve në Amerikë

Koz Dynjaja — Mon, 05 Aug 2019 12:34:17 +0000

Sulmet e armatosura në El Paso të Teksasit dhe Dayton të Ohios që ndodhën në fundjavë e ku mbetën 29 të vrarë e shumë të tjerë të lënduar, kanë nxitur reagimin edhe të yjeve të showbizit.

Ndër to ishte edhe këngëtarja shqiptare në Amerikë, Bebe Rexha, dëshiron të bëhet më shumë se veç ndarje e dhimbjes me të tjerët.
Ajo ka dashur t’u ofrojë të gjithëve informata se si mund të ndërmarrin masa duke thirrur autoritetet, shkruan “popcrush”.

Po ashtu, bashkë me yjet tjera, Rexha ka nisur postimin me “@Everytown”, që është “lëvizje e amerikanëve që punojnë bashkë për t’i dhënë fund dhunës me armë dhe për të krijuar komunitete më të sigurta”, që nisi më 2011.

Reperja Cardi B ka kërkuar nga autoritetet ndërmarrjen e masave më të mira ndaj sulmeve të tilla.

Khalid, Reese Witherspoon, Chris Evans, Alyssa Milano e shumë yje të tjera po ashtu reaguan kundër sulmeve të tilla në rrjete sociale.

The post Bebe Rexha dhe shumë yje tjera bëjnë thirrje kundër vrasjeve në Amerikë appeared first on 55 News.

Bebe Rexha martohet në fshehtësi?! Këngëtarja zbulon fotot

Koz Dynjaja — Sat, 27 Jul 2019 08:42:21 +0000

Ditën e djeshme, Bebe Rexha habiti fansat e saj me një video që publikoi në ‘Instagram’, ku shfaqej e veshur me një fustan nusërie
Nuk e dimë se çfarë po ndodh në jetën e Bebe Rexhës, por këngëtarja shqiptare me famë botërore, i ka bërë 8.8 milionë ndjekësit e saj të dyshojnë se ajo është martuar.

Sikur mos të mjaftonte video, Bebe ka shkruar edhe këto fjalë bashkangjitur videos “Dita më e bukur e jetës time. Më duhej ta mbaja këtë, super private. Foto dhe video të tjera do vijnë në vazhdim. Ju dua të gjithëve”.

Por sipas mediave të huaja bëhet fjalë për videoklipin e këngës së saj më të re në bashkëpunim me Jax Jones, ‘Harder’. Ky i fundit ka publikuar një status në ‘Twitter’ ku ka vënë në dijeni fansat se xhirimet e videoklipit kanë nisur, gjë që na kthen sërish tek postimet e Bebe Rexhës në ‘Instagram’. ‘Harder’ u publikua fundjavën e kaluar, pa një videoklip origjinal.

The post Bebe Rexha martohet në fshehtësi?! Këngëtarja zbulon fotot appeared first on 55 News.

Bebe Rexha me pozë provokuese para pasqyrës

Koz Dynjaja — Sun, 05 May 2019 07:08:26 +0000

Këngëtarja e njohur me prejardhje shqiptare, Bebe Rexha, po vazhdon të jetë shumë aktive në industrinë e muzikës.

Javë më parë, ajo njoftoi fansat për datat e turneut të saj amerikan, që do të fillojë nga muaji gusht, deri në muajin tetor.

Rexha ndërkohë tashmë ka krijuar një numër të madh ndjekësish edhe në rrjetet sociale, dhe janë tashmë mbi tetë milionë sosh që e ndjekin atë vetëm në rrjetin social Instagram.

Bebe Rexha (Foto: Kevin Winter/Getty Images/Guliver)

Këngëtarja preferon që herë pas here të publikojë fotografi apo video të ndryshme nga përditshmëria, teksa nuk mungon edhe aty këtu ndonjë imazh provokues.

Flokët ngjyrë rozë dhe grimi i saj i lehtë, i dhanë artistes shqiptare një pamje edhe më tërheqëse.

Ndërkohë, pëlqimet dhe komentet e shumta nga ana e ndjekësve nuk kanë munguar, duke e komplimentuar bukuroshen Rexha. /Telegrafi/

Bebe Rexha (Foto: Monica Schipper/Getty Images/Guliver)

The post Bebe Rexha me pozë provokuese para pasqyrës appeared first on 55 News.

Bebe Rexha fiton çmim në Billboard Music Awards

Koz Dynjaja — Thu, 02 May 2019 12:04:43 +0000

Është mbajtur mbrëmë në MGM Garden Arena të Las Vegas ndarja e çmimeve të muzikës, “Billboard Music Awards”.

Festivali i dha çmime rap-artistët Cardi B dhe Drake, të cilët njëherësh ishin edhe më të nominuarit.

Në “Billboard Music Awards” këtë vit fitoi edhe këngëtarja shqiptare Bebe Rexha, kënga e së cilës u nderua me çmimin “Top kënga më e mirë country”.

Bëhet fjalë për këngën “Meant to be”, të cilën ajo e këndon në bashkëpunim me Florida Georgia Line – këngë e cila qëndroi gjatë në top listat amerikane, madje vitin e kaluar ajo u shpall nga Billboard si kënga e tretë me kërkuar e vitit.

The post Bebe Rexha fiton çmim në Billboard Music Awards appeared first on 55 News.

Bebe Rexha publikon videoklipin e këngës “Last Hurrah”

Koz Dynjaja — Fri, 22 Feb 2019 10:59:31 +0000

Këngëtarja e njohur shqiptare Bebe Rexha ka publikuar sot videoklipin e këngës “Last Hurrah”.

Videoklipi fillon me Rexhën e veshur si një engjëll, dhe vazhdon me skena të tjera duke vallëzuar, festuar, pirë e të tjera, për të përfunduar me flakë.

The post Bebe Rexha publikon videoklipin e këngës “Last Hurrah” appeared first on 55 News.

Bebe Rexha publikon këngën e re ‘Last Hurrah’

Koz Dynjaja — Fri, 15 Feb 2019 13:14:56 +0000

“Last Hurrah”, është kënga më e re që e ka publikuar këngëtarja shqiptare me famë botërore, Bebe Rexha.

“Last Hurrah” vjen pas këngës “I’m a Mess”, e cila ishte renditur në vendin e 35 në toplistën e Billboard “Hot 100” më 2018.

Njoftimin e publikimit të këngës së re, Rexha e ka bërë të ditur edhe përmes Instagramit të saj.

The post Bebe Rexha publikon këngën e re ‘Last Hurrah’ appeared first on 55 News.