“Në një realitet si ky i joni kur praktikisht qeveria ka kapur të gjithë pushtetin pavarësisht formës legale që ka reforma në drejtësi, fakt është që nëpërmjet njerëzve që kanë shkuar në këto institucione qeveria dhe Rama e kanë kapur drejtësinë. Parlamenti dihet që është i komanduar prej tij, ekzekutivin e ka me mandat elektoral, atëherë Gjykata Kushtetuese fiton një rëndësi jetike për demokracinë në Shqipëri. Ndaj përpjekjet e presidentit për të mbrojtur Gjykatën Kushtetutese janë jetike. Faktikisht këtë gjë e di shumë mirë dhe kryeministri Rama i cili po përpiqet ta marrë. Ligji që kaluan para pak ditësh tregon se duan ta anashkalojnë me çdo mjet presidentin dhe ta pushtojnë Gjykatën Kushtetuese”, deklaroi Mustafaj.

Për më tepër ai tha se nuk sheh një opinion publik të ndjeshëm dhe të vetëdijshëm për rëndësinë që ka Gjykata Kushtetuese.

“Asnjë nen i kushtetutës nuk ia ndalon presidentit t’i drejtohet popullit. Problemi nuk shtrohet a është e ligjshme kjo sjellje e presidentit, a është e zakonshme? Jo. Kjo ndodh shumë rrallë, kur demokracia është e rrezikuar apo e përmbysur. Nuk dihet se si do të ketë vazhdim një përpjekje e tillë e presidentit por e ligjshme është.
Opozita do jetë në shesh, mendoj se socialistët duhet të jenë në shesh, edhe ne të tre.
Mua më shqetëson fakti që në disa dalje që kanë qartazi konotacione politike presidenti është para opozitës. Në kuptimin që opozita duhet të ishte në avangardë si institucion i destinuar të bëjë politikë”, deklaroi Mustafaj.

Sipas tij, ‘alarmi që ngre presidenti është i përligjur’. “A ka zgjedh formën efikase për të arritur qëllimin e tij, kjo ha diskutim. Nuk e rrezikon klimën politike të vendit se në fund të fundit është paqësore ai nuk po bën thirrje për revolucion. Në qoftë se presidenti i bën thirrje popullit dhe vihet në krye të një lëvizje popullore dashje pa dashje nuk është në rolin e tij kushtetues”, tha ai ndër të tjera.

The post “Maxhoranca kërkon ta pushtojë Gjykatën Kushtetuese”, Mustafaj: Alarmi që ngre Presidenti është i përligjur appeared first on 55 News.

Së fundimi kanë dalë dokumentet zyrtare të cilat tregojnë se dy zyrtaret e propozuara për anëtare të Gjykatës Kushtetuese kanë ngelur në Shkollën e Magjistraturës.

Dokumentat zyrtare tregojnë se Arta Vorpsi dhe Elsa Toska, dy kandidate për në Gjykatën Kushtetuese, nuk kanë marrë pikët e nevojshme që u duhen atyre për t’u regjistruar në Shkollën e Magjistraturës.

Vorpsi dhe Toska, dy këshilltare ligjore në Gjykatën Kushtetuese, u përfshinë në një testim nga Shkolla e Magjistraturës në Maj 2018 së bashku me mbi 45 ndihmës ligjorë të tjerë në institucionet e drejtësisë, përfshirë Gjykatën e Lartë dhe Prokurorinë e Përgjithshme.

Testimi u organizua në përmbushje të përcaktimeve të ligjit të Vetingut, sipas të cilit, ndihmësit ligjorë që arrin një minimum prej 60 pikësh, si edhe kalonin me sukses procesin e rivlerësimit, kishin mundësinë të fitonin statusin e magjistratit. Juristet Arta Vorpsi dhe Elsa Toska kanë marrë përkatësisht 56 dhe 57 pikë, rezultat më i ulët sesa limiti minimal prej 60 pikësh nga 100 të mundshme, që kërkohet për pranimin në Shkollën e Magjistraturës, me qëllim të të fitonin statusin e magjistratit.

Por fakti që të dyja kandiatet nuk fituan dot statusin e magjistratit, me qëllim që të mund të emëroheshin si gjyqtare në Shkallën e Parë, nuk e ka penguar Këshillin e Emërimeve në Drejtësi, që t’i rëndisë në mënyrë të dyshimtë të dyja kandiatetet në vendin e parë për t’u bërë gjyqtare në Gjykatën Kushtetuese. Kjo vendimmarrje e KED ngre shumë pikëpyetje procedurat e ndjekura për vlerësimin e tyre. Si është e mundur që një kandidatë që nuk kalon dot “klasën” për t’u emëruar gjyqtarë i shkallës së parë, mund të emërohet në gjykatën më të lartë në vend – Gjykatën Kushtetuese.

Testimi i posaçëm për aftësitë profesionale, që përbëhet nga dy faza-faza e parë është testimi elektronik dhe faza e dytë është ai me shkrim, është një procedurë që sipas ndryshimeve kushtetuese dhe ligjore duhet ta kalonin të gjithë ndihmësit ligjor, përshirë ndihmësit ligjor në Gjykatën Kushtetuese.

Në përfundim të testimit, “kandidatja Arta Vorpsi ka marrë 56 pikë në testimin elektronik dhe 145 pikë në testimin me shkrim. Ndërsa kandidatja Elsa Toska ka marrë 57 pikë në testin elektronik dhe 153 pikë në atë me shkrim”.

Në nenin 25 të Rregullores së Shkollës së Magjistraturës, parashikohet mënyra e vlerësimit të testimit për subjektet ex officio (përfshirë këshilltarët ligjorë të Gjykatës Kushtetuese), si edhe niveli minimal i pikëve për kalimin e provimit.

“Në fazën e parë, teza e testimit elektronik…vlerësohet maksimalisht me 100 pikë dhe ka të njëjtën strukturë dhe të njëjtin vlerësim si teza e testimit të pranimit për kandidatët për magjistrat …”, thuhet në pikën 4 të këtij neni. Ndërsa “në fazën e dytë, testi profesional …. vlerësohet në maksimum deri në 200 pikë”.

Në nenin 25, pika 7 e Rregullores së Shkollës së Magjistraturës për subjektet ex-officio, përcaktohet se: “Subjektet…të cilët kanë marrë të paktën 60 pikë në testimin elektronik dhe mbi 60 për qind të pikëve të testimit profesional, dhe pasi kanë marrë konfirmimin në detyrë nga institucionet e rivlerësimit, kanë të drejtë të ndjekin programin dyvjeçar të trajnimit teorik dhe të praktikës profesionale në Shkollën e Magjistraturës”. Pra vetëm ato kandidatë që kalojnë 60 përqind të pikëve në të dyja testimet, mund të bëhen gjyqtar të shkallës së parë apo prokuror në shkallën e parë.

Duke qenë se juristet Arta Vorpsi dhe Elsa Toska nuk plotësojnë njërin prej këtyre kushteve, atë të fazës së parë, ato në vitin 2018 janë të përjashtuara nga mundësia për të vijuar kursin 2-vjeçar në Shkollën e Magjistraturës, për të marrë më tej titullin magjistrat dhe për të ushtruar funksionet në gjykatën apo prokurorinë e shkallës së parë. Por, në mënyrë ironike dhe paradoksale, Këshilli i Emërimeve në Drejtësi (KED) i drejtuar nga Ardian Dvorani, i ka kualifikuar dy juristet si kandidate më të mira dhe potenciale për zgjedhjen në shkallën më të lartë të sistemit të drejtësisë në Shqipëri, në Gjykatën Kushtetuese.

Këtë qëndrim në KED e ka mbajtur vetëm anëtarja gjyqtare Margarita Buhali, e cila ka dalë edhe me mendim pakice, ku shprehet se: “rezultati negativ në Shkollën e Magjistraturës në provimin e vlerësimit të aftësive profesionale duhet detyrimisht të merret në konsideratë duke u reflektuar në vlerësimin e krimit të aftësive profesionale dhe reputacionit të kandidatit”.

Duket e pabesueshme, por është e vërtetë, se drejtësia e re po prodhon situata absurde, ku një kandidat nuk vlen për gjyqtar të shkallës së parë, por për KED vlen shumë për gjyqtar në Gjykatën Kushtetuese.

The post Militante pa shkollë për në Gjykatën Kushtetuese appeared first on 55 News.