Kompania ka ndërmarrë programin “AI for Humanitarian Action”, një program i ri pesëvjeçar prej 40 milionë dollarësh që synon rritjen e potencialit të inteligjencës artificiale në shërbim të ndërhyrjeve të menaxhimit emergjent për mbrojtjen e fëmijëve, refugjatëve si dhe për promovimin e respektit për të drejtat e njeriut.

Programi, thuhet në deklaratë, do të zhvillohet në bashkëpunim të ngushtë me organizatat humanitare dhe joqeveritare dhe siguron përdorimin e subvencioneve, investimeve teknologjike dhe kompetencave të përbashkëta.

Bëhet fjalë për propozimin e tretë të Microsoft-it në kontekstin e iniciativës “AI for Good” e nisur në korrik 2017, që synon qasjen demokratike dhe shpërndarjen e gjerë të përfitimeve që lidhen me të. Kjo iniciativa deri më tani ka arritur një investim prej 115 milionë dollarë./bw

The post Microsoft financon 40 milion dollarë për krizat humanitare appeared first on 55 News.

Shqipëria nuk është vend i BE-së dhe nuk ka sistemin përkatës të azilit, deklaroi të hënën (27.08)shoqata italiane ASGI, juristët e së cilës anagzhohen për problemet e migrantëve. “Asnjë rregull kombëtar apo ndërkombëtar nuk e lejon një gjë të tillë.” Njerëzit mund të dërgohen vetëm me miratimin e tyre në Shqipëri.

Pas një debati që zgjat prej ditësh mes Italisë dhe BE-së, në fundjavë Shqipëria shprehu gatishmërinë të pranojë 20 migrantë nga kjo anije e truprojës bregdetare italiane. Presidenti i ASGI Lorenzo Trucco i tha gazetës “La Repubblica”: “Si do të përzgjidhet se kush do të shkojë në Shqipëri? Eshtë një teatër absurd, një cënim i sistemit tonë të azilit.”

Shoqata “Pro Asyl” e quajti këtë “një veprim të çuditshëm”. Drejtori ekzekutiv i kësaj shoqate për refugjatët, Günter Burkhardt, tha, se: “Kjo është një dëshmi e dobësisë së Bashkimit Europian.” Deri më sot nuk ka ndodhur që refugjatët, të cilët mbërrijnë në një vend të BE-së, të dërgohen në një vend tjetër të tretë.

Komisioni i BE-së në Bruksel, që është përgjegjës ndër të tjera për ruajtjen e marrëveshjeve të BE-së, nuk është prononcuar. Një zëdhënëse tha, se kemi të bëjmë më një marrëveshje bilaterale mes Italisë dhe Shqipërisë.

Në qershor ky autoritet i Brukselit megjithatë publikoi një dokument për qendrat e grubmullimit të refugjatëve, sipas të cilit kuptohet, që një marrëveshje mes Italisë dhe Shqipërisë është kundër së drejtës së BE-së.

Në këtë dokument thuhet, se sipas së drejtës së BE-së nuk është e mundur, që migrantët e shpëtuar në det të dërgohen nga BE-ja “në një vend, me të cilin ata nuk kanë asnjë lidhje”.

20 migrantë do t’i pranojë Irlanda dhe për rreth 100 do të përkujdeset Konferenca e Ipeshkëve në Itali. Por kjo nuk do të thotë gjë tjetër veçse në tokë italiane njerëzit nuk gëzojnë të njëjtat të drejta, thotë Trucco.

vfb/dpa

The post Organizatat humanitare: Migrantët jo kundër vullnetit të tyre në Shqipëri appeared first on 55 News.