Për shkak të fluksit të aplikimeve për karta ID, ministria e Brendshme ka urdhëruar hapjen e gjithë zyrave të aplikimit për Tiranën edhe ditën e shtunë, datë 12 Janar 2019.

“Hapja e zyrave edhe në fundjavë, është një mundësi më shumë për gjithë të punësuarit që nuk e kanë të mundur të kryejnë përtëritjen e dokumentit gjatë javës, për shkak të angazhimit në punë.” 

Ministria e Brendshme fton çdo qytetar të verifikojë skadencën e kartës ID dhe të mos e lërë për ditën e fundit aplikimin!

The post Zyrat e aplikimit për karta ID janë të hapura edhe të shtunën appeared first on 55 News.

Kjo normalisht do të duhej të ndodhte nëse ndokush tenton disa herë të qaset në “Apple ID” duke shkruar fjalëkalimin gabimisht, por tani pa tentuar fare shumë përdorues nuk po mund të qasen në llogaritë e tyre, transmeton Koha.net.

Është e paqartë ajo se çfarë po e shtynë sistemin e Apple që të bllokojë llogaritë e njerëzve, por kur kjo po u ndodhë përdoruesve, atyre po u kërkojnë që të ‘resetojnë’ fjalëkalimin.

Përdoruesit mund ta vërejnë nëse ata janë të prekur nga kjo thjesht duke hyrë në Settings, pasi sistemi operativ iOS do t’i njoftojë ata që disa cilësime të “Apple ID” duhet të përditësohen, transmeton Koha.net.

Për shkak të kësaj anomalie, përdoruesit gjithashtu humbin qasjen në iMessage, iCloud e Apple Music nëse nuk verifikojnë identitetin e tyre.

Disa përdorues pasi të hynë në Settings e të rishkruajnë fjalëkalimin “Apple ID” do t’u zhbllokohet, ndërsa atyre të cilëve kjo nuk ju funksionon, duhet të ndërrojnë fjalëkalimin.

The post Përdoruesve të iPhonet po iu bllokohet “Apple ID”, kështu mund t’i zhbllokoni ato appeared first on 55 News.

Shtimi i identifikimit biometrik, përfshirë shenjat e gishtave dhe të dhënat faciale, në kartat e identitetit të Bashkimit evropian, është pjesë e një ligji të propozuar së fundmi me qëllim që t’i privojë terroristët dhe kriminelët nga mjetet dhe hapësira për të vepruar.

Një zëdhënëse e Komisionit Evropian tha se ligji po prezantohej me qëllim që të përmirësohet siguria e kartave ekzistuese dhe të ketë një harmonizim të tyre në të gjithë unionin. Dokumente më të sigurta do të forconin menaxhimin e kufijve të jashtëm të BE dhe mund të rriste mbrojtjen ndaj falsifikimit dhe mashtrimit, sipas komisionit, por ka edhe rreziqe që lidhen me përdorimin e të dhënave biometrike.

The post Vendimi i Bashkimit Evropian: Shenjat e gishtërinjve do të jenë në ID appeared first on 55 News.