Përveç karrierës ai u ndal në një nga momentet më të trishta të jetës së tij siç është internimi që i ndodhi familjes në moshën 4-vjeçare.  Ai kujtoi me lot në sy sesi policët i morën mamanë para syve të tij. 

“Familja ime ka qenë kundër sistemit. Ne na internuan. Është një moment shumë i vështirë… Atë ditë gjyshi ishte larguar për të na blerë simite dhe mami më nxori prej dore deri tek rrugica që më pas të takoja gjyshin për të shkuar në kopsht. 

Në një moment shikoj një makinë dhe dy policë që vijnë e marrin mamin, por unë nuk e kuptova. Erdhi gjyshi dhe e kuptoi situatën. Ai më çoi në kopsht. Prisja në dritare tek kopshti të vinte të më merrte mami”,-tregoi Joni mjaft i prekur.