Karl Marks lindi më 5 Maj 1818 në Trier, një qytet i vogël gjerman pranë Moselit. Që në vitet e rinisë, Marks luftoi për idetë liberale të kohës së tij. Për këtë arsye atij i duhej të shkonte në ekzil, fillimisht në Paris, pastaj në Londër. Në Angli ai ishte mjaft i interesuar për kushtet e punës së punëtorëve, që atëherë në fillesën e kapitalizmit shtypeshin e punonin në kushte të vështira.
Rreziku i dogmës
I ndikuar nga kjo eksperiencë, ai hartoi në vitin 1847 „Manifestin komunist”, në të cilin bashkë me shokun e idealit, Friedrich Engels, kërkonte shanse të barabarta për të gjithë. Me këtë manifest shënohet edhe lindja e komunizimit si ideologji. Sipas studiuesit të shkencave politike, Richard Löëenthal, komunizimi ishte më shumë se një analizë shoqërore, ai ishte në sytë e përkrahësve të tij gati si një fe. „Ndikimi historik i Marksit bazohej në lidhjen e veçantë të njohurive të reja shkencore dhe vizionit entuziast utopik që i frymëzoi pionierët e lëvizjes punëtore në një lloj feje të kësaj bote. E një ideologji që përmbush funksionin e fesë rrezikohet gjithmonë që të ngrijë në një dogmë në mendjet e besimtarëve dhe priftërinjve të saj.”
Më vonë Marks shkroi librin e tij të famshëm, „Kapitali”, që botohet në vitin 1867 e që u kthye në bazën teorike të ideologjisë komuniste. Marks analizon se puna e shumicës shërben për fitimet e mëdha një pakice. Ishte kjo vepër, së cilës sundimtarët komunistë të mëvonshëm i referoheshin gjithmonë. Lenini, Stalini, apo Mao Ce Duni. Në emër të Karl Marksit ata ngritën diktaturat komuniste, shumë vite pas vdekjes së Karl Marksit, filozofi nga Trier nuk arriti të përjetojë se çfarë pasojash pati vepra e tij.

Njollosja e Karl Marksit
Komunizmi si realitet e njollosi emrin e Marksit. E vetëm tani, 30 vjet pas rrëzimit të komunizmit, ai po fillon të kuptohet më ndryshe. Sociologu nga Universiteti i Trierit, Martin Endreß thotë se „historiani Eric Hobsbaëm e ka quajtur „epokën e ekstremeve” shekullin e 20-të, një epokë që vetëm pas vitit 1989 e dha mundësinë për të vështruar disi më ndryshe Marksin.” Endreß thotë se nuk mund të injorohet funksionalizimi politik i analizave të Marksit. „Por të paktën po bëhet e mundur të mënjanohet para-dënimi njëdimensional i veprës së Marksit. Për të kuptuar se çfarë bën me veprën e Marksit marksizmi, leninizmi, stalinizmi apo totalitarizma të tjerë si maoizmi.”
Marksi nuk ishte vetëm një teoricien i madh, por edhe një shkrimtar i shkëlqyer. Deri më sot „Manifesti komunist” të habit me elegancën gjuhësore të tij. Teoria dhe arti i fjalës e bën Marksin një autor klasik të studiuar në të gjitha universitetet gjermane. Filozofi i njohur gjerman Ernst Bloch e kujton kështu kohën e universitetit. „Në vitet 1920-1925 në Heidelberg e universitete të tjera gjermane ishte si test inteligjence për një student gjerman të ishte marksist. Dhe një student që donte të merrej seriozisht duhej të njihte Marksin.”

Marksi aktual
Analizat shoqërore të Marksit janë aktuale deri më sot. Me to mund të kuptosh e përshkruash padrejtësinë e shfrytëzimin, jo vetëm në Europë, por në të gjithë botën. Sociologu Martin Endreß përmend një shembull konkret. „Punën e fëmijëve, që Marksi e kritikonte ashpër dhe që angazhohej për ndalimin e saj e kemi sot në koncernet e tekstilit që veprojnë globalisht në Azi apo Azinë Juglindore. Aty shohim një zhvendosje të asaj që Marks analizoi për perëndimin. Fillimisht kemi zhvendosje të prodhimit për shkak të krahut të lirë të punës. Pastaj zhvillohen, si në Kinë, reparte prodhimi të mira, që sjellin një nivel më të lartë rroge. Prodhimi vazhdon të shtegtojë në vende të tjera më të varfra, Kjo do të thotë që vëzhgojmë një koncept të Marksit edhe sot, rritjen relative të standartit të jetesës duke ruajtur në të njëjtën kohë shfrytëzimin.
Në vitin 1883 Karl Marks ndërroi jetë në Londër. Një filozof plot kundërshti, një njeri që kishte shumë ide teorike, por që praktikën nuk e mori shumë seriozisht. Në këtë 200-vjetor të lindjes, Karl Marks po përkujtohet më miqësisht në Gjermani. Po fillohet të kuptohet, se ai nuk është përgjegjës për gjithçka u krye në emër të veprës së tij.

The post 5 Maji dita e lindjes së Karl Marksit, vepra e tij u kthye në simbol të diktaturave komuniste appeared first on 55 News.

Mes tyre është edhe një statujë e madhe bronzi e Marksit e dhuruar nga Kina. Ajo do të zbulohet zyrtarisht këtë të shtunë, kur do të shënohet edhe 200-vjetori i lindjes së filozofit.

Skulptura e Marksit shkaktoi debate, por Jean-Claude Juncker foli me terma të përzgjedhur pozitivë për të.

“Karl Marks ishte një filozof që mendonte mbi të ardhmen dhe kishte aspirata krijuese”, tha ai. “Sot atij i atribuohen gjëra për të cilat nuk ka qenë përgjegjës dhe as shkaktar, sepse shumë prej gjërave që shkroi ai u riformuluan në krah të kundërt”.

Statuja e madhe e broztë është montuar në një bazament përpara ish-shtëpisë së familjes së Marksit.

Edhe presidenti kinez, Xi Jinping e ka lavdëruar atë. “Marksi është mentori i revolucionit të proletariatit dhe popujve punëtorë në mbarë botën”, tha ai. “Ai është themeluesi kryesor i Marksizmit, themelues i partive politike marksiste dhe krijues i komunizmit ndërkombëtar, si dhe mendimtari më i madh i kohëve moderne”.

Politikanë në Trier të Gjermanisë u shprehën se nuk duan ta lartësojnë Marksin, por duke qenë një nga figurat më domethënëse të atij qyteti, duan të inkurajojnë njerëzit të diskutojnë mbi filozofitë e tij.

Marksi kaloi 17 vitet e para të jetës së tij në Trier, ku janë organizuar rreth 300 shfaqje për të shënuar përvjetorin e 200-të të lindjes së tij. /tch/

The post 200 vjet nga lindja e Karl Marksit, Juncker e me ekspozitë appeared first on 55 News.