Lojtarët e klubit Bruges stërviteshin normalisht, por trajneri i tyre mungonte. Ivan Leko, i cili Bruges e solli vitin e kaluar deri tek titulli i kampionit në Belgjikë, ishte nën masa arresti. Ai dyshohet për pastrim parashë ilegale dhe evazion fiskal. Pas marrjes në pyetje kroati u lirua, por hetimet vazhdojnë.
Tifozët e mbledhur për të parë stërvitjen, nuk besonin se klubi dhe trajneri i ekipit të tyre janë të përzier në ndonjë skandal. Bruges bën gara edhe në Ligën e Kampionëve, në grup me Borussia Dortmund.
“Për ne Leko është i pafajshëm”, thotë Frederik Van Eenoo nga klubi i tifozëve “The Locals”. Tifozët nuk duan t’u besojnë akuzave, se klubi i tyre është përzier në manipulimin e ndeshjeve. “Ne kemi fituar vitin e kaluar titullin e kampionit dhe këtë do ta dëshmojnë edhe hetimet – do të dëshmohet se titulli ka qenë i pastër”, mendon drejtuesi i klubit të tifozëve.
Arrestime të tjera
Përveç trajnerit të Bruges, nën hetime ndodhen edhe figura tjera të rëndësishme në futbollin belg, në radhë të parë agjentët e lojtarëve Mogi Bayat dhe Dejan Veljkoviq. Ata akuzohen për manipulime me fitimet nga shitja e lojtarëve. Prokurorët besojnë se edhe investorët, të cilët kanë paguar lojtarët me para në dorë, kanë bërë pastrim të parave ilegale. Prokurorja Wenke Roggen foli për “kriminelë të bashkuar”. Ndër të dyshuarit është edhe ish-manaxheri i RSC Anderlecht, Herman van Holsbeeck.
Manipulimet e arbitrave

Hetimet kanë nisur edhe kundër arbitrave belgë, aëntarë të FIFA-s, Sebastien Delferiere dhe Bart Vertenten. Dyshohet se ata kanë manipuluar me vendimet e tyre të paktën dy ndeshje gjatë sezonit të kaluar. Një zëdhënës i FIFA-s tha se ata po i shikojnë me shumë vëmendje zhvillimet në Belgjikë. E gjitha ka filluar pas një ankese të klubit KV Mechelen, i cili vitin e kaluar ra nga liga e parë. Prokuroria beson, se ka pasur manipulime në ndeshjsen e fundit të kampionatit KAS Eupen – Royal Excel Mouscron, të cilën KAS Eupen e ka fituar me rezultat 4:0. Në të dy ekipet ka pasur lojtarë të agjentit Bayat. Dyshohet se me të kanë lidhje edhe arbitrat.

Të mërkurën (10.10) u kontrolluan në Belgjikë 44 shtëpi dhe lokale. Janë konfiskuar kompjuterë, dokumenta dhe dëshmi të tjera. Janë konfiskuar edhe llogari bankare në vlerë prej rreth 8 milionë euro. Ndër të arrestuarit janë edhe dy argjendarë dhe dy gazetarë të gazetës  “Het laatste nieuws”. Të prekur nga hetimet janë 16 klube të ligës së parë.

Hetimet në shtatë shtete

Hetimet po zhvillohen jo vetëm në Belgjikë por edhe në shumë vende të tjera – Serbi, Maqedoni, Mal të Zi, Luksemburg dhe Francë. Arrestime ka pasur edhe në Qipro dhe Bosnjë-Hercegovinë. Bayat, me origjinë nga Irani, dhe Veljkoviq nga Serbia, kanë pasur kontate të shumta ndërkombëtare. Lojtarë të transferuar ka pasur nga Evropa Lindore, Ballkani, Afrika dhe Amerika Latine. Trajneri i FC Bruges është me origjinë nga Kroacia.

Liga belge përdoret nga shumë klube si trampolinë për shitjen e lojtarëve në vende të tjera. Atje blihen lojtarë të rinj me perspektivë dhe pas disa vitesh shiten në klube më të mëdha evropiane. Televizioni VRT pohon se deri në 90% e këtyre transferimeve është në duart e agjentit Bayat. Gati të gjitha klubet bashkëpunojnë me të. Lojtarët belgë të lindur në këtë vend janë shumë të rrallë në klubet belge. Ata më të mirët shkojnë në vende të tjera, ndaj nuk është befasi që në kombëtaren e Belgjikës nuk mund të gjesh thuajse asnjë lojtar që luan në ligën belge.

Belgjika e tronditur

Belgjika është e shokuar nga këto zhvillime, shkruajnë shumë gazeta belge. Tifozët e kombëtares janë gëzuar shumë për sukseset e fundit në Kampionatin Botëror në Rusi. Ndërsa tani flitet për një prej skandaleve më të mëdha në Belgjikë. Avokati i trajnerit të Bruges thotë, se hetimet janë bërë me metoda të papranueshme. Tajneri është zgjuar në orën pesë nga forca të mëdha policie, ndërsa gruas së tij i është mbajtur një tytë arme në kokë, fëmijët janë traumatizuar.

Ministri belg i Drejtësisë Koen Geens i ka mbështetur hetimet. Ati shkruan në twitter se “qëllimi është që të kemi një sport të pastër. Drejtësia po punon për një sport të ndershëm.” Prokurorja Wenke Roggen thotë, se hetimet ende janë në fazën fillestare.

The post Skandal dhe kriminalitet i madh në futbollin belg appeared first on 55 News.

Izabela Wiewiór nga zyra për informim e Frontex-it ka thënë se vendosja e policëve të kësaj agjencie nëpër kufijtë e vendeve të Ballkanit Perëndimor ka për qëllim forcimin e bashkëpunimit me vendet jashtë Bashkimit Evropian.

 “Frontex është aktualisht i pranishëm në kufirin Kosovë-Shqipëri brenda Pikës Koordinuese të Operacioneve të Përbashkëta ‘Toka 2018’. Ky operacion është duke u zbatuar që nga fundi i shkurtit të këtij viti. Frontex ka vendosur dy oficerë të nivelit të lartë që ndihmojnë autoritetet lokale në zbulimin e dokumenteve të falsifikuara”, ka thënë Wiewiór.

Kosova nuk është vendi i vetëm i rajonit në të cilin janë vendosur policët e Frontex, pasi edhe në Maqedoni, Serbi dhe Mal të Zi janë vendosur oficerë të agjencisë.

Rreth 100 policë janë vendosur në të gjithë rajonin.

“Policët e Frontex ndihmojnë autoritetet kombëtare në zbulimin e dokumenteve të falsifikuara, makinave të vjedhura dhe drogave ilegale. Në këtë moment, pothuajse 100 policë janë të vendosur në Ballkanin Perëndimor”, ka thënë zyrtarja Wiewiór.

Vendimi për dërgimin e këtyre oficerëve sipas kësaj agjencie është marrë pas fluksit të madh të migrantëve të cilët synim kanë vendet anëtare të BE-së.

Sipas Frontex-it, fluksi i madh i migrantëve që përshkoi rrugën e Ballkanit Perëndimor, nga viti 2015 deri në tremujorin e parë të 2016, dërgoi në zbulimin e një numri të paparë të kalimeve ilegale në kufijtë e Hungarisë dhe Kroacisë me Serbinë.

Përveç policëve të specializuar të vendosur në pika të ndryshme kufitare, Frontex ka vendosur edhe automjete mbikëqyrëse kufitare si dhe pajisje të tjera në Hungari dhe Kroaci.

Në fillim të këtij viti kjo agjenci publikoi një raport në të cilin thuhej se rruga e Ballkanit Perëndimor mbetet një korridor kyç në hyrjen e heroinës në BE.

Sipas këtij raporti, grupet kriminale në Kosovë dhe Shqipëri së bashku me grupet e tjera kriminale nga Ballkani kanë një rol të rëndësishëm në kontrabandimin dhe shpërndarjen e heroinës nëpër shtetet anëtare të Bashkimit Evropian.

Në muajin maj të vitit 2016, Kosova ka nënshkruar marrëveshje bashkëpunimi me Frontex-in, agjenci e specializuar e Bashkimit Evropian për menaxhim të kufijve dhe luftimin e të gjitha krimeve ndërkufitare./REL

The post Kriminalitet i lartë, agjentët e Frontex në kufirin Kosovë – Shqipëri appeared first on 55 News.