Nga data 24 deri më 28 shtator në Kosovë do të qëndrojnë disa ekspertë nga vendet anëtare të Bashkimit Evropian në kuadër të një misioni vlerësues, të cilin e dërgon Komisioni Evropian për të parë përparimin e Kosovës në fushën e drejtësisë, përkatësisht për progresin në zbatimin e vendimeve gjyqësore në çështjet civile, komerciale dhe për çështjet që lidhen me to.
Zyra e BE-së në Prishtinë ka konfirmuar për gazetën “Zëri” se Komisioni Evropian rregullisht bën misione të rishikimit, duke përfshirë këtu edhe ato në fushën e sundimit të ligjit.
Sipas kësaj Zyre, kjo ndihmon që të përcaktohen prioritetet kyçe për Kosovën në rrugëtimin evropian.
Zyra e BE-së në Prishtinë po ashtu ka thënë se ky proces ndërlidhet me procesin e liberalizimit të vizave…

The post BE-ja e dërgon në shtator një mision vlerësues në Kosovë appeared first on 55 News.

Pas mbylljes së porteve italiane për anijet e organizatave humanitare të impenjuar në operacionet e kërkim-shpëtimit të emigrantëve në Mesdhe, Matteo Salvini ka vendosur mbylljen e porteve dhe për anijet e misioneve ndërkombëtare.

Numri 1 i Ministrisë së Brendshme italiane ka informuar se në samitin e ministrave të brendshëm të vendeve të Bashkimit Europian që do  zhvillohet këtë të enjte 12 korrik në Innsbruck, Italia do të kërkojë mbylljen e  porteve dhe për anijet e të gjitha misioneve ndërkombëtare që aktualisht operojnë në Mesdhe.

“Për fat të keq, qeveritë italiane të 5 viteve të fundit kanë firmosur marrëveshje me Bashkimin Europian që lejon që të gjitha anijet e misioneve ndërkombëtare të zbarkojnë  emigrantët në Itali. Por me qeverinë e re kjo lloj muzike ka ndryshuar do vazhdoj të ndryshoj”,  shprehet Salvini.

Vendimi i Ministrit të Brendshëm italian erdhi pas zbarkimit në portin siçilian të Messinës të 106 emigrantëve të anijes së misionit ndërkombëtar Eunavformed.

Sipas verifikimeve të Ministrisë së Brendshme italiane këta emigrantë janë shpëtuar në brigjet libiane në natën e 4-5 korrikut.

 “Është e papranueshme, shprehet Salvini që të gjitha anijet e misioneve ndërkombëtare në Mesdhe të kërkojnë zbarkimin e emigrantëve në portet italiane.”

Edhe ministri italian i Transportit dhe Infrastrukturës Danilo Tonili i Lëvizjes 5 Yje ka përkrahur këtë vendim të Matteo Salvinit duke akuzuar ish kryeministrin Matteo Renzi i cili ka firmosur marrëveshjen europiane Sophia që sipas tij ka zhvlerësuar të gjitha interesat kombëtare italiane duke pranuar zbarkimin në portet italiane të emigrantëve të shpëtuar nga të gjitha anijet e misioneve ndërkombëtare në Mesdhe.

The post Salvini kërkon mbylljen e porteve dhe për anijet e misioneve ndërkombëtare appeared first on 55 News.