Të dhënat e INSTAT bëjnë të ditur se në 2019-n u dhanë gjithsej 373 leje ndërtimi, ose 15 leje më pak se një vit më parë.

Por, ndonëse janë dhënë më pak leje në numër, sipërfaqja e dhënë për ndërtim është rritur ndjeshëm, në një tregues se ato kanë qenë për banesa më të larta.

Në total, sipërfaqja e dhënë për leje ndërtimi për 2019-n, sipas INSTAT ishte rreth 1.5 milionë metra katror, me një rritje prej 55% në raport me vitin e mëparshëm dhe duke shënuar një nivel rekord të paktën që prej vitit 2010, kur raportohen të dhënat e detajuara sipas rretheve (shih grafikun).

Sipas INSTAT, sipërfaqja e dhënë për ndërtim në Tiranë i korrespondon një vlere prej rreth 52 miliardë lekësh, ose rreth 420 milionë euro.

Vrulli më i madh i dhënies së lejeve ishte në tremujorin e parë dhe të tretë, me përkatësisht me 480 miëj dhe 556 mijë metra katror. Niveli më i ulët u shënua në tremujorin e katërt me 147 mijë metra katror, i ndikuar nga amullia që u shkaktua pas tërmetit të 26 nëntorit dhe pezullimit të përkohshëm të lejeve të ndërtimit.

Ndërtimet rriten, po ashtu edhe çmimet e apartamenteve!

Ndonëse ndërtimet kanë arritur në një nivel rekord të dekadës, ndërsa rritja e pagave në fund të tremujorit të tretë, sipas INSTAT, ishte më pak se 1%,  kërkesa dhe oferta nuk po i binden ligjeve të tregut. Çmimet e apartamenteve kanë shënuar një rritje të fortë gjatë vitit të fundit, sipas deklarimeve të agjentëve të pasurive të paluajtshme.

Mesatarisht, nëse do të blesh sot një hyrje, duhet të paguash 100-150 euro më shumë për metër katror, sesa pak kohë më parë, madje në disa zona rritja është dhe më e fortë në 300-600 euro më shumë.

Dy janë arsyet e kësaj tendence, sipas operatorëve, së pari rritja e taksave dhe së dyti qarkullimi i parave informale dhe pastrimi i tyre përmes ndërtimit.

Ylli Sula, sipërmarrës, botues i Gazetës Çelësi i cili ka krijuar përmes të dhënave historike të gazetës një indeks për çmimet e pasurive të paluajtshme, “Key Data Albania”, ka pohuar më herët për Monitor në këtë tendencë më shumë luajnë rol elementet jashtë tregut sesa ato të brendshëm. “Në shumë raste gjenden hapësira përdoren për pastrim parash, si në investim edhe në blerje. Në qoftë se ne kemi këto çmime në rritje dhe vijim të shitjes do të thotë që fuqia blerëse ekziston, nëse kjo fuqi është e përqendruar në disa duar, janë po prapë elementë jashtë tregut”.

Edhe Juliana Nela, broker në agjencinë “Remax” është e mendimit që në këtë rritje të fortë po ndikojnë aktivitetet informale. “Vazhdimi i parave të çuditshme, patjetër që ka ndikimin më të madh në këtë përmbysje dhe çudi të tregut imobiliar. Paga të ulëta, emigracion masiv, metra katror ndërtimi pafund të hedhura në treg dhe çmimet rriten. Është e palogjikshme”, pohon ajo.

Pak ditë më parë, Shqipëria u fut sërish në listën gri të pastrimit të parave, nga e cila kishte dalë në vitin 2015. Lajmi u dha nga Task Forca Financiare (FATF) e MONEYVAL, që është një mekanizëm i përhershëm i Këshillit të Europës që ka detyrën të vlerësojë zbatimin e standardeve në luftën kundër pastrimit të parave dhe krimit të organizuar. Në këtë listë përfshihen juridiksionet që kanë mangësi strategjike në parandalimin e pastrimit të parave dhe krimit të organizuar dhe rrezik të lartë si dhe janë nën monitorim të shtuar. Shqipëria është e vetmja nga Europa që shfaqet në këtë listë, së  bashku me Islandën. 

Elvis Koçi, drejtori i Drejtorisë së Parandalimit të Pastrimit të Parave tha se problemet kryesore të ngritura nga Manyval ndër të tjera janë dhe vlerësimi i riskut i thelluar në disa profesione për mbikqyrje, përfshirë aktivitetet e real estate.

The post Ndërtime rekord prej 420 milionë euro në Tiranë, sipërfaqja e dhënë për leje u rrit me 55% në 2019-n appeared first on 55 News.

Shoqata e Ndërtuesve të Shqipërisë ka shprehur dhimbjen për jetët e humbura nga tërmeti i 26 nëntorit.

Me një deklaratë për mediat, kjo shoqatë bën të ditur se asnjë pallat i ri nuk ka pësuar dëmtime në strukturë, por vetëm në mure dhe rifinitura plotësuese.

‘Shoqata e Ndërtuesve të Shqipërisë mendon se është domosdoshmëri hartimi i normave teknike, që aktualisht mungojnë për këto procese në kushtet e veprimeve sizmike mbi strukturat skelet’, thuhet në deklaratën e shoqatës.

Më poshtë, deklarata e plotë:

Shoqata e Ndërtuesve të Shqipërisë shpreh edhe njëherë dhimbjen  për viktimat e shkaktuara nga tërmeti i fundit si dhe solidaritetin për gjithë të prekurit dhe familjet e tyre.

Në këto ditë të vështira, ne konfirmojnë se jemi në çdo moment me popullin e prekur nga pasojat dhe dëmet katastrofike të kësaj fatkeqësie natyrore.

Shoqata e Ndërtuesve të Shqipërisë konstaton se pavarësisht forcës së tërmetit me magnitudë prej 6.3 të shkallës Rihter dhe forcë afro 8 ballë në qytetin e Durrësit, siguria e ndërtimeve të pas viteve ‘90 u vu në një provë të rëndësishme.

Ne vërejmë se, thuajse plotësisht, qëndrueshmëria e strukturave të këtyre ndërtimeve ka mundur të mbajë këtë forcë shkatërrimtare të natyrës.

Në asnjë rast, strukturat bazike të ndërtimeve nuk janë kolapsuar nga forca e madhe e tërmetit të mëngjesit të 26 nëntorit.

Nga ana tjetër, Shoqata e Ndërtuesve të Shqipërisë konstaton se dëmet në ndërtimet e reja janë shkaktuar kryesisht në muret e brendshme dhe në rifiniturat plotësuese, por në asnjë rast në strukturën qendrore të objekteve.

Nisur nga ky konstatim, Shoqata e Ndërtuesve të Shqipërisë mendon se është domosdoshmëri hartimi i normave teknike, që aktualisht mungojnë për këto procese në kushtet e veprimeve sizmike mbi strukturat skelet.

Normativat ne fuqi nuk trajtojnë ne forme koherente mbrojtjen e rifiniturave nga veprimi sizmik. Eksperienca europiane nëpërmjet Eurokodeve duhet te përqafohet sa me shpejte nga legjislacioni shqiptar.

Gjithashtu është nevojë imediate, të plotësohet legjislacioni si dhe të organizohen struktura të posaçme shtetërore për kontrollin e punimeve që nga faza e marrjes së lejes e deri në vënien në shfrytëzim të objektit, gjë që për investimet private praktikisht mungon.

Shoqata e Ndërtuesve të Shqipërisë është e gatshme që, së bashku me qeverinë dhe parlamentin, të ofrojë asistencën e saj për ndryshimet e mundshme ligjore për të patur akoma dhe më shumë ndërtime cilësore dhe sa më të sigurta.

The post Shoqata e Ndërtuesve: Asnjë pallat i ri me probleme, të ndryshojnë normat teknike appeared first on 55 News.

Kriminalitet, abuzime në ndërtim dhe ndërtesa të ngritura pa asnjë kontroll.

Tërmeti në Shqipëri ka nxjerrë në dukje një aspekt paradoksal.

Ndërsa llogariten dëmet, që janë të mëdha, del që strukturat e shembura janë ato të mëvonshmet, që nuk përmbushin kriteret antisizmike. Strukturat dhe shtëpitë e vjetra, të ndërtuara në vitet ’70 e ’80, kanë rezistuar.

Disa kanë dëme, por nuk janë në rrezik. Sipas asaj që thuhet nga njerëzit, ‘në kohën e komunizmit inspektimet ishin shumë më rigoroze krahasuar me kohën e demokracisë’.

Tani gjithçka ka ndryshuar.

Jorgaq Stasi, inxhinier civil, na shpjegon se Durrësi, dhe i gjithë bregu, është zonë tërmetesh, disa edhe shumë të dhunshëm.

Këtu ndërtesat nuk duhet të jenë mbi katër apo pesë kate.

Sipas asaj që thonë shumë shqiptarë, e rëndësishme është të kursesh e kush ka parà ndërton hotele, vila, shpesh pa leje e rregulla.

E ndërkohë numri i viktimave rritet, tashmë rreth 50, ndërsa vazhdojnë pa pushim kërkimet për të mbijetuar.

Sfida kryesore tani për qeverinë shqiptare është t’u gjejë çati mbi 2000 të pastrehëve. Pastaj të mendojë për rindërtimin. Duke e nisur nga rregulloret e sektorit të ndërtimit.

The post EuroNews: Post-tërmeti, kriminalitet dhe abuzime në ndërtimet e reja appeared first on 55 News.

Anëtari i Kryesisë së PD dhe drejtuesi i Departamentit të Mjedisit në selinë blu, Jamarbër Malltezi, ka publikuar në Facebook një seri fotosh që provojnë se ligji në dorën e Ramës nuk mund të godasë mbi deputetin Sadri Abazi.

Ky i fundit, sipas Malltezit, ka ngritur kate pa leje, ka bërë ndërtim të paligjshëm 6 katësh në Tiranë, ndërsa ky fenomen është kryer edhe në autostradën Tiranë-Durrës.

“Me këto foto që tregojnë se çfarë domethënie ka ligji për ligjvënësin socialist Sadri dhe shefin e tij të KÇK-së, ju uroj fundjavë të mbarë! I paparë Sadriu: bën katin e 13 pa leje mbi 12-in e pestë pa leje!!! Dashnor i drejtësisë është bashkë me tualetin dhe shefin e KÇK që burgosin hallexhinj pse riparon çatinë pa u kollit tek tualetet në pushtet”, shkruan Malltezi në denoncimin e tij.

The post FOTO-DENONCIMI/ Qytetarët shkojnë në burg, por deputeti i Ramës bën katin e 13 pa leje mbi 12-in e pestë pa leje! appeared first on 55 News.

Por pas katër vitesh të gjithë e dimë se si është situata, ku fatkeqësisht nga premtimi për 0 ndërtime, Veliaj kaloi në krahun tjetër ekstrem duke u bërë një ndër kryebashkiakët që ka dhënë më shumë leje ndërtimi.

Në videon e mëposhtme të publikuar nga Nisma Thurje keni me zë dhe figurë se si ai shprehej para se të bëhej kryetar dhe realitetin si është sot.

Teksa në foton keni statistikat zyrtare të publikuara nga INSTAT për ndërtimet nga viti 2016 deri në vitin 2018.

Në 2 vite janë dhënë 313 leje ndërtimi, e thënë me fjalë të thjeshta çdo 2 ditë Veliaj ka firmosur për ndërtimin e një pallati.

Kryetari aktual i bashkisë duhet të mbajë përgjegjsi dhe të japi sqarime për dhënien e kaq shumë lejesh ndërtimi, ai duhet të bëjë transparencë edhe për paratë e taksave se ku kanë shkuar./Boldnews.al/

The post VIDEO-Dokument/ Ja çfarë deklaronte në 2015 Erion Veliaj dhe ‘kasaphania’ që po i bëhet Tiranës me ndërtime appeared first on 55 News.

Në të gjitha zonat e kryeqytetit, firmat e ndërtimit po avancojnë me projektet e tyre, nga ato më të thjeshtat, që kanë në përbërje një ose dy firma ndërtimi, te projektet e mëdha. “Monitor” bëri një vëzhgim të pjesës më të madhe të projekteve që janë në proces ndërtimi në Tiranë. DownTown Albania, një prej shumë kullave që do t’i shtohet ofertës së pasurive të paluajtshme të Tiranës, është ende në një fazë fillestare dhe po ecën me ritme të ngadalta.

Në kantierin e ndërtimit në bulevardin “Bajram Curri”, Kastrati Construction ka hapur themelet e një kulle që do të jetë 137 metra e lartë (mbi 30 kate). Sipas menaxherit të shitjeve të kompanisë, në këtë projekt, çmimet e shitjeve për rezidencë fillojnë nga 2900 euro.
Një tjetër projekt i Kastratit është edhe Garden Residence Turdiu. Sipas planifikimit të projektit, oferta e apartamenteve në Tiranë do të shtohet me rreth 930-950 apartamente të reja deri në vitin 2022, kur të finalizohet. Të interesuar për blerje në këtë kompleks rezidencial na përgjigjet Edmondi, menaxheri i shitjes i kompanisë, i cili thotë se aktualisht firma ka dalë me një çmim më të lirë se sa çmimi i tregut në atë zonë, 800 euro për metër katror.

Një tjetër projekt i madh është në ndërtim e sipër në zonën e “Don Boskos”, “Fiori Di Bosco”. Lorena, menaxhere e shitjeve e këtij projekti, i cili është një bashkëpunim i dy firmave të ndërtimit Matrix Konstruksion” dhe Edil-al, thotë se po aplikojnë një çmim shitje 900 euro për metër në katror deri në fund të janarit me rastin e festave të fundvitit. Pas janarit, çmimi do të jetë 1000 euro për metër katror. Sikurse shpjegon Lorena, në atë zonë nëse blen një apartament në një objekt ende në themel, çmimi është rreth 700 euro dhe shton se në të gjithë Tiranën, çmimet e shtëpive janë rritur 100 deri në 200 euro për metër katror. Në total, ky projekt ka 6 kulla me 9 kate banimi, 2 prej të cilave do të përfundojnë brenda muajit shkurt.

Edhe kompania E-88 sh.p.k. është në përfundim të kullës së parë, nga pesë kulla që ka projektuar që të ndërtojë në Rrugën e Durrësit. Çmimi i shitjes në këtë projekt është 900 euro për metër katror, sipas përfaqësuesit të kompanisë së ndërtimit E-88, i cili u kontaktua nga “Monitor” nëpërmjet telefonit. Te mbikalimi i Unazës së Re, pranë fabrikës së birrës, firma e ndërtimit Milo 2000 po përfundon dy godinat e banimit, me çmim tregu 850 euro dhe sipas përfaqësuesit, janë shitur rreth 70% e apartamenteve.

Punimet vijojnë edhe në projektin Square21 në Rrugën e Kavajës, e cila po ndërtohet nga kompania Arlis Ndërtim. Ky projekt do të shtojë ofertën në Tiranë me rreth 1000 apartamente të reja, me çmim shitje 1200 euro për metër në katror. Firma e ndërtimit Kontakt po zhvillon disa projekte njëkohësisht në Tiranë. Rezidenca e banimit Mangalem21, pranë zonës së “Ali Demit” ka dalë me një çmim shitje 700 euro për metër katror. Kompania e ndërtimit Kontakt ka planifikuar 33 godina banimi në projektin Mangalem21.

Përfaqësues të shitjes në kompaninë Kontakt deklaruan për “Monitor” se tendenca e çmimeve të shitjes së apartamenteve në Tiranë është në rritje. Aktualisht Kontakt po aplikon një çmim shitje 700 euro/m², duke qenë se janë ende në fazën e hedhjes së themelit, por shumë shpejt do të dalin me çmim 800-900 euro për metër në katror. Kontakt po zhvillon dhe një tjetër projekt banimi në zonën e “Siri Kodrës”, projekti SIRI, ku referuar faqes online të kompanisë Kontakt çmimet e banimit në atë projekt nisin nga 850 euro për metër në katror.

Gener2 po nis punimet për projektin Lakeview Residences, i cili do të ketë pesë godina banimi, me 600 njësi. Burime nga kompania thonë se çmimet në këto banesa do të jenë nga 1600 deri në 2200 euro/m² në varësi të pozicionit. Ndërsa për dyqanet, çmimet do të variojnë nga 2500 euro deri në 6000 euro/m². Edhe pse projekti është në fazë fillestare, kompania deklaron se ka pasur kërkesa dhe këto nuk janë kufizuar vetëm nga rezidentë në Shqipëri, apo shqiptarët e diasporës, por ka pasur interesim nga të huajt.

Këto janë vetëm disa nga projektet e ndërtimit në proces ndërtimi në Tiranë. Sipas Albanian Construction Portal, vetëm në qytetin e Tiranës po zhvillohen 227 projekte ndërtimi, ku pjesën më të madhe e zënë ndërtimet e godinave rezidenciale dhe një pjesë të vogël, projektet e infrastrukturës në qytet. Ndërtuesi Hajredin Fratari thotë se nevojat e tregut parashikojnë një kërkesë prej 1000 deri 1500 apartamente për shitje në vit, e cila plotësohet lehtësisht vetëm nëpërmjet ofertës së dy apo tre projekteve të përmendura më sipër. Ndërsa brenda Unazës shiten mesatarisht 100-150 apartamente premium.

Rreziku i mbingopjes në ofertë, paralajmërohet flluskë

Sot nuk ka asnjë studim të mirëfilltë se sa është stoku i apartamenteve në Tiranë. Ekspertët e kanë të pamundur që të bëjnë një vlerësim me sa do të rritet oferta në patundshmëri prej këtyre projekteve të reja, ndërsa vijon që të ketë kërkesë për leje ndërtimi. Arben Dervishi, kryetar i Shoqatës së Ndërtuesve në Tiranë, thotë se stoku i apartamenteve në Tiranë është i papërfillshëm dhe shton se nuk kanë nisur të ndërtohen të gjitha lejet e ndërtimit që janë dhënë këto kohë. Një pjesë e mirë e tyre pritet që të nisin gjatë këtij viti ose vitin tjetër.

Dervishi shton se për fatin e keq, ndërtuesit në Shqipëri vijojnë që të ndërtojnë në mënyrë empirike dhe pa studime të mirëfillta për kërkesën në tregun e patundshmërisë në Shqipëri. Sipas raportimeve që ka marrë nga anëtarët e Shoqatës së Ndërtuesve së fundmi ka filluar që të ndihet një rënie në ritmin e shitjeve të apartamenteve në Tiranë. Megjithatë ai shton se Tirana, duke qenë qendër ekonomike e vendit, gjithmonë ushqehet nga prurje të reja në banorë. Qyteti i Tiranës rritet me 26 mijë banorë çdo vit, gati 70 persona në ditë – thotë Dervishi për “Monitor”. Ai argumenton se janë pikërisht këta persona që do të ushqejnë kërkesën për shtëpi në kryeqytet.

Dervishi shprehet pesimist për kullat e larta në qendër të Tiranës dhe paralajmëron se duhet bërë shumë kujdes si nga autoritetet që lëshojnë lejet e ndërtimit, ashtu edhe nga investitorët të cilët kanë vendosur të angazhohen në projekte të cilat kërkojnë shumë vite për t’u mbyllur.
Ai paralajmëron rrezikun e një flluske në rast se nuk bëhet kujdes me mënyrën e menaxhimit të këtyre projekteve dhe me numrin që do të ndërtohen në Tiranë.

Edhe Hajredin Fratari, ndërtues, shprehet se ka një ngopje të tregut në ofertë. “Mendoj se ka një ngopje të tregut në terma të ofertës, por me çfarë po shikoj, të gjithë që po ndërtojnë në qendër po punojnë me para në dorë. Sipas të dhënave të mbledhura, aktualisht në Tiranë janë rreth 25 mijë familje, të cilat për ne janë klientë potencialë. Por, ata kërkojnë apartamente me çmime ekonomike. Konfindustria për të 11 vit radhazi merr në shqyrtim shitjet e apartamenteve në zonën e Tiranës dhe brenda Unazës së kryeqytetit shiten mesatarisht 100-150 apartamente në një vit. Në këtë zonë çmimet fillojnë nga 1200 euro”, – argumenton ai.

Pritshmëria

Aktorët e tregut parashikojnë se do të ketë ecuri pozitive për shitjet në zonat me çmime mesatare nga 700-900 euro për metër në katror, por parashikojnë stanjacion për ndërtimet në qendër dhe kullat. Edhe pse ndërtuesit presin që kërkesa të jetë e vakët, taksat e larta nuk do t’i lejojnë ata të ulin çmimet

Mane: në Tiranë rrezikohet mbiofertë

Presidenti i Grupit Balfin, Samir Mane ka pohuar në një intervistë të mëparshme për Monitor se nëse do të realizohen të gjitha projektet e planifikuara në kryeqytet do të ketë mbiofertë. “Me aq sa ne kemi studiuar, vlerësoj se Tirana ka nevojë për 100 deri në 150 apartamente të shtrenjta në vit dhe sipas statistikave që kemi dëgjuar, mund të prodhohen më tepër, rreth 300 – 350. Pra, do të ketë mbiofertë”, ka pohuar ai.

Ai shton se bankat kanë një lloj tërheqjeje nga financimet në real estate, pra në rezidenca. Nëse nuk do të mbështeten nga bankat, një pjesë e biznesit, ose do t’i shtyjnë në kohë projektet, ose do të kenë vështirësi për t’i mbaruar, ose do të transferohen në duar të tjera.

“Për momentin, tregu është mirë, pra nuk them që shitjet e atyre që kemi po ecin keq, por nëse të gjitha këto që dëgjojmë do të ndërtohen, eventualisht mund të ketë sërish një ngecje”. Balfin po tërhiqen gradualisht nga sektori i real estate, në kryeqytet, ku grupi shiti së fundmi aksionet që zotëronte në qiellgërvishtësin Down Town Albania.

Familjet e reja kërkojnë çmime të lira, ndërtohen kulla

Gjatë 2017-s në Tiranë u lidhën 5900 martesa të reja, sipas INSTAT, sa gati çereku i martesave në të gjithë Shqipërinë. Çiftet e reja janë ndër grupet kryesore që përbëjnë klientët potencialë për firmat e ndërtimit, por sipas aktorëve kryesorë të tregut, ato kërkojnë oferta me çmime ekonomike. Sipas Rudina Murati, drejtore e marketingut dhe e shitjeve në firmën e ndërtimit Orion, çiftet e reja kanë qenë një prej grupeve kryesore të blerësve në projektin e tyre Tower Bridge 3, pranë Shkollës së Bashkuar.

Me një çmim 810-850 euro për metër në katror, ajo thotë se arritën t’i mbyllnin shitjet gjashtë muaj para finalizimit të projektit, i cili kishte 277 apartamente banimi. Ndërkohë që presin të ndërtojnë edhe një godinë tjetër me 90 apartamente banimi në po atë projekt. Ajo e cilëson 2018 një vit të suksesshëm për sa u përket shitjeve dhe thotë se pjesa më e madhe e shitjeve në atë projekt janë kryer nëpërmjet financimit nga banka me kredi.

Familjet e reja kërkojnë apartamente banimi me çmime të përballueshme për një buxhet me të ardhura mujore mesatare. Xheni Jahja, nga Tirana Real Estate, thotë se klientët kërkojnë kryesisht shtëpi me një çmim nga 70-100 mijë euro. Edhe pse ajo e shikon kërkesën për blerje në Tiranë në rritje, shpjegon se ajo nuk përputhet me atë çka po ofrojnë firmat e ndërtimit në Tiranë.

“Ka gjithnjë kërkesë për blerje, por ato nuk përputhen me këto ndërtimet e reja. Ne vëmë re se nuk kërkohet qendra e Tiranës. Në përgjithësi klientët kërkojnë të blejnë në vlera ekonomike, apartamente me një konfigurim 2+1, për një shumë nga 60 deri në 100 mijë euro. Ky është rasti tipik për mbi 50% të kërkesave tona”, – shpjegon Jahja për “Monitor”. Apartamentet me këto çmime janë kryesisht jashtë Unazës së Vogël të Tiranës. Për ndërtuesit, çmimet e larta në qendër dhe në zonat pranë saj janë fiktive. Sokol Kika, administrator i Kika Construksion, është shprehur për “Monitor” se çmimet në ndërtimet e qendrës nuk janë reale dhe janë më të larta sesa është fuqia blerëse.

Hajredin Fratari, ndërtues, thotë se ka operuar kryesisht me apartamentet me çmime të lira dhe klientët tanë kanë qenë kryesisht familjet e reja, të cilët kanë përfituar edhe kreditë e buta. Edhe Rudina Murati thotë se për periudhat që do të vijnë, e shikon tregun më të vështirë dhe kjo kryesisht për shkak të firmave pa përvojë ndërtimi që kanë hyrë në treg. I këtij qëndrimi ka qenë dhe Sokol Kika nga firma e ndërtimit Kika Konstruksion.
Rudina Murati, drejtore e marketingut dhe shitjeve në firmën së ndërtimit Orion, shton se individët janë disi të stepur për të kryer blerje të pasurive të paluajtshme në këtë periudhë, duke qenë se kanë nisur njëkohësisht shumë projekte për ndërtimit e godinave rezidenciale.

Taksat kanë qenë një ndër shqetësimet kryesore të sektorit. Fillimisht ishte taksa e infrastrukturës, e cila nga 4% mbi kostot e ndërtimit u bë 8% mbi çmimin e shitjes dhe paguhet para fillimit të ndërtimit.

Si e presin 2019 ndërtuesit

Rudina Murati, drejtore marketingu dhe shitjeve në firmën e ndërtimit Orion, thotë se tregu do të jetë më i vështirë. Ajo jep dy arsye kryesore për këtë ngurtësim të tregut. “Pikë së pari janë numri i lartë i lejeve të ndërtimit që po jepen, ku këtu përfshihen dhe kullat shumëkatëshe që do të ndërtohen në qendër të Tiranës,”- tha ajo për “Monitor”. Në treg kanë hyrë edhe kompani që nuk kanë përvojën e duhur në fushën e ndërtimit.
Ajo jep si arsye nivelin e ulët të informacionit që kanë shqiptarët për pronën.

Në një analizë të mëparshme të “Monitor” mbi pritshmërinë e sektorit për vitin 2019, aktorët e tregut u shprehën se do të vijojë ndërtimi i projekteve, por në sektorin e ndërtimit rezidencial, nuk e presin me optimizëm ecurinë e shitjes.

Së pari ata sjellin si argument vitin zgjedhur dhe pasiguritë politike që ai përmban. Muaji dhjetor ishte një muaj protestash dhe sipas Sokol Kikës, ndërtues, biznesi është i ndjeshëm dhe tregu reflekton menjëherë.

Së dyti, ka një mospërputhje midis asaj çka po ofrohet nga ndërtuesit dhe asaj çka kërkohet nga individët. Sipas agjencive të pasurive të paluajtshme, por edhe ndërtuesve, individët kërkojnë apartamente me çmime ekonomike, ndërsa apartamentet brenda Unazës së Tiranës po vijnë me çmime më të larta.

Sipas të dhënave të INSTAT, për 9-mujorin janë dhënë gjithsej 268 leje ndërtimi në kryeqytet, me një rritje prej 38% në raport me të njëjtën periudhë të një viti më parë. Bashkia e Tiranës pret të arkëtojë 3.7 miliardë lekë (30 milionë euro) në 2018-n nga taksa e infrastrukturës për ndërtimet e reja. Edhe në 2019-n, parashikohet të mblidhen nga kjo taksë (që është kryesisht sa 8% e çmimit të shitjes) rreth 4 miliardë lekë, që i korrespondon një volumi ndërtimi prej 50 miliardë lekësh, ose rreth 400 milionë eurosh.

Në 2019 Tirana bëhet më e shtrenjtë, çmimet rriten, paga mesatare ulet

Për banorët e Tiranës, blerja e një prone në 2019-n do të jetë më pak e përballueshme. Portali më i madh i të dhënave mbi kostot dhe cilësitë e jetesës e vlerësoi në rritje, për herë të parë pas dy vitesh, raportin e çmimit ndaj të ardhurave të disponueshme të individëve në qytetin e Tiranës. Sot të blesh një shtëpi në qytetin e Tiranës kushton më shtrenjtë se gjatë vitit që lamë pas. Raporti i Numbeo-s merr në shqyrtim dy tregues kryesor, çmimet e shtëpive dhe të ardhurat që kanë në xhepa individët e një vendi. Sikurse na e pohoi gjatë interesimit tonë për të blerë një shtëpi edhe Lorena, menaxherja e shitjeve në projektin “Fiori di Bosco”, në Tiranë çmimet e shtëpive janë rritur me 100-200 euro për metër në katror në varësi të zonave.

Aktualisht Tirana është qyteti i dhjetë më i shtrenjtë në Europë nga 103 qytete të marra në shqyrtim për sa i përket çmimet e shtëpive në raport me të ardhurat e qytetarëve, duke u renditur krahas qyteteve si Milano, Roma, Parisi, Londra, etj. Një vit më parë Tirana renditej në vendit e 12. Referuar të dhënave në Vite që mbledh portali viti më i shtrenjtë në raport me të ardhurat e qytetarëve në Tiranë ka qenë 2016. Dy vitet që do të pasonin, 2017 dhe 2018 (shiko grafikun: Përballueshmëria e blerjes së apartamenteve, raporti i çmimit me të ardhurat) do të sillnin një përmirësim në raportin e çmimit me të ardhurat e individit.

Raporti i çmimit me të ardhurat është matësi i përballueshmërisë së blerjes së një apartamenti, sa më i ulët ky tregues aq më mirë, sa më i lartë aq më e shtrenjtë dhe e pa përballueshme është blerja e një shtëpie. Përllogaritet si raport i çmimeve mesatare të apartamenteve ndaj të ardhurave të disponueshme të familjeve.

Ndërkohë që çmimet e shtëpive rriten në Tiranë, paga mesatare ka shënuar ulje, duke sjellë edhe uljen në të ardhurat e familjeve shqiptare. Paga mesatare në ekonomi shënoi ulje në tremujorin e tretë të vitit 2018 në raport me tremujorin e dytë. INSTAT raportoi se paga mesatare në ekonomi gjatë korrik – shtator ishte 50,105 lekë nga 50,392 lekë që ishte në tremujorin e dytë, duke shënuar rënie me 0.7 për qind. Ekonomia e vendit është rritur mbi 4% në dy tremujorët e parë të vitit, por siç duket, pagat nuk kanë mundur të ndjekin këtë ritëm. Përllogaritjet e INSTAT në lidhje me pagat mesatare në vend u referohen listë-pagesave në tatime, si për punonjësit në sektorin privat dhe ata në sektorin shtetëror. Tendenca rënëse në pagën mesatare nisi që në tremujorin e parë të 2018-s, ku paga mesatare ishte 49,145 lekë.

Njerëzit po ikin, kush do t’i blejë gjithë këto apartamente?!

Shqipëria prej 2015-s është prekur nga një valë e dytë e emigracionit të popullsisë. Përveçse kjo po kthehet në një problematikë të punësimit që ka prekur shumë sektorë të ekonomisë, do të ketë ndikim edhe te konsumi, duke filluar që nga kërkesa për mallra dhe shërbime, deri te kërkesa për të blerë pasuri të paluajtshme në Tiranë. Kjo valë emigrimi është karakterizuar me ikjen e shtresës së mesme, të individëve të shkolluar dhe të rinj, kryesisht mjekë edhe specialistë IT, të cilët do të ishin blerës potencialë të mundshëm të shtëpive të reja në Tiranë.

Sipas të dhënave të publikuara nga INSTAT, vetëm për periudhën 2011-2017 kanë emigruar janë jashtë vendit 317 mijë shqiptarë. Kjo shifër është më e lartë sesa popullsia e qytetit të dytë më të madh në vend, Fierit, që në janar 2018 kishte 298 mijë banorë, apo Durrësit, me 278.5 mijë banorë. N
ë një publikim të fundit të INSTAT mbi Diasporën janë rreth 1.6 milionë individë që jetojnë jashtë territorit të Shqipërisë, nga këta 825 mijë individë (gati 53%) janë meshkuj dhe 755.6 mijë janë femra.

Hajredin Fratari, ndërtues, shpreh shqetësim për këtë fenomen. “Në këtë ikje masive që po bëhet nga Shqipëria, nuk di të jap një vlerësim se si do të jetë ecuria e këtij sektori në afatgjatë” – tha ai për “Monitor”. Qytetet e tjera të Shqipërisë, përveç Tiranës dhe Durrësit, po zbrazen gjithashtu ndërkohë që janë në rritje të vazhdueshme.

Pjesa më e madhe e njerëzve që kanë ndryshuar vendbanimin në katër vitet e fundit kanë lëvizur në qendrat urbane, që në shumicën e rasteve, përfshin kryeqytetin, ose zonat përreth tij. Edhe pse lëvizjet e brendshme janë shumëdimensionale, është e dukshme se pjesa dërrmuese e flukseve të migracionit të brendshëm fokusohen drejt Tiranës dhe Durrësit. Për periudhën 2014-2017, qyteti i Tiranës është shtuar me rreth 45 mijë banorë. Të ardhurit në qytetin e Tiranës kanë qenë 70 mijë banorë, ndërsa të larguarit rreth 24 mijë e 500 banorë. Gjatë 2017-s, viti i fundit me të dhëna të publikuara, migrimi neto në qytetin e Tiranës ka qenë rreth 16800 banorë (22700 të ardhurit dhe 5900 largimet).

Ndonëse jo me të njëjtat ritme, për të njëjtën periudhë, Durrësi është shtuar me rreth 12600 banorë, ku të ardhurit përllogariten rreth 27 mijë dhe të larguarit 14 mijë. Qarqet me zbrazjen më të madhe të popullsisë janë Dibra dhe Berati. Për 2014-2017, migrimi neto shënoi një shifër negative dhe qarku kishte mbi 11 mijë banorë më pak. Në vend të dytë për nga numri i të larguarve është Berati me gati 9 mijë banorë më pak dhe Korça me 7500 banorë më pak.

Parashikimi i zymtë për rritjen e popullsisë

Përveç fenomenit të emigrimit, i cili i ka bërë emigrantët pesimistë në lidhje me kërkesën në afat të gjatë për shtëpi, vendi po preket edhe nga ndryshime të tjera demografike. Norma e lindshmërisë shënoi sërish ulje gjatë 2017-s duke zbritur poshtë nivelit të mesatares së BE-së. Familjet bërthamë po krijohen gjithnjë e më të vogla dhe numri i divorceve është rritur. Plakja e popullsisë po ndodh me ritme më të shpejta se sa pritej në Shqipëri. Në një parashikim të Organizatës së Kombeve të Bashkuara, skenari më pesimist parashikon që popullsia e Shqipërisë në 2100 do të arrijë në 860 mijë banorë.

Duke marrë në konsideratë ecurinë e popullsisë vetëm në normat bruto të lindjeve (norma e fertilitetit) sipas të gjithë skenarëve, Shqipëria do të ketë ulje të popullsisë së saj. Varianti pesimist parashikon që vitin në 2100, popullsia e Shqipërisë do të jetë vetëm 860 mijë banorë. Ndërsa skenari normal parashikon që Shqipëria të popullohet me vetëm 1 milionë e 600 mijë banorë. Skenari optimist që parashikon emigracion zero dhe ecuri normale të normave të fertilitetit parashikon që popullsia e vendit deri në vitin 2100 të jetë 2 milionë e 800 mijë banorë, nga rreth 2,9 milionë që numërohen afërsisht aktualisht.

Organizata e Kombeve të Bashkuara ka rishikuar me përkeqësim treguesit e popullsisë së Shqipërisë për këtë vit në krahasim me një vit më parë. Në vitin 2017, OKB parashikoi që në vitin 2100, popullsia e Shqipërisë do të jetë 1,754,540 banorë, me një rënie prej 1.2 milionë personash nga popullsia aktuale (2.9 milionë) sipas portalit të OKB, ndërsa sipas projeksioneve të rishikuara të këtij viti popullsia e Shqipërisë në vitin 2100 do të jetë 1,6 milionë banorë ose 100 mijë pak se projeksionet e vitit të kaluar. Edhe sipas të dhënave kombëtare (INSTAT) popullsia e vendit po tkurret më shpejt se projeksionet e popullsisë 2011 – 2031. Më 1 janar 2018, popullsia ishte 18 mijë persona më pak se projeksioni zyrtar i INSTAT.
Projeksionet e tregojnë se popullsia në moshë pune do të bjerë me një ritëm pak më të shpejtë se sa popullsia e përgjithshme me më shumë sesa 18% në pothuaj të gjitha qarqet, përveç atyre që e shtojnë popullsinë nëpërmjet migrimit (Tirana, Vlora dhe Durrësi).

Tirana është qarku i vetëm në të cilin parashikohet rritje e konsiderueshme në forcën potenciale të punës (me 20% deri në vitin 2031, sipas skenarit normal me shpërndarje gjeografike dhe emigrim konstant brenda vendit). Rënia më e fortë në forcën e mundshme të punës parashikohet për Gjirokastrën (me -43%), si dhe për Beratin dhe Dibrën (me të paktën -30%). Emigrantët janë në masën 90% pjesa më aktive e tregut të punës./Monitor 

The post 2019, rriten çmimet e apartamenteve, por njerëzit po ikin, kush do t’i blejë?! appeared first on 55 News.

Sipas saj, ortakët e lojërave të fatit ortakë të Edi Ramës shiten aksionet e tyre pak kohë para se te incohej ligji I ri për lojërat e fatit.

Gjatë një dalje mediatike ajo ka lëshuar akuza ndaj kreut të qeverisë në lidhje me lojërat e fatit.

Kompanitë e lojërave të fatit klientë të Edi Ramës po i investojnë paratë në ndërtime me lejen  e Ramës, tha Zhupa.

Rasti me flagrant është Apex ku aksioneri shqiptar ka shitur aksionet e tij pak kohë para daljes ne tregun politik të idesë së mbylljes së lojërave të fatit.

Deklarata e plotë:

Kompanitë e bixhozit, klientë të Edi Ramës, po i investojnë paratë e bixhozit në fushën  e ndërtimit me lejen e Edi Ramës.

Rasti më flagrant është ai i kompanisë APEX, kompania më e madhe e bixhozit në Shqipëri. Një nga aksionerët e kësaj kompanie, Dajlan Avdia, ka shitur aksionet e tij pak kohë përpara se Rama të deklaronte mbylljen për disa kategori të lojrave e fatit.

Partia Demokratike po publikon sot për herë të parë kontratën e shitjes së 16 % të aksioneve prej rreth 500 mijë euro nga klienti i Edi Ramës tek partneri i tij austriak i APEX-it.

Me tërheqjen nga biznesi i lojërave të fatit, aktiviteti i Dajlan Avdisë do të përqendrohet tek ndërtimi, një fushë tjetër që nga Departamenti Amerikan I Shtetit konsiderohet si mjet kryesor për pastrimin e parave të pista të krimit dhe korrupsionit.

Dajlan Avdia ka në pronësi dy kompani të mëdha ndërtimi, “Techno Alb” dhe “Invest Society”. Në emër të këtyre dy kompanive, Edi Rama dhe Erion Veliaj kanë dhënë disa leje ndërtimi në dy nga zonat më të shtrenjta të kryeqytetit – në qendër të Tiranës dhe në zonën e ish bllokut.

Me firmën e Edi Ramës dhe të Erion Veliajt, biznesmeni I bixhozit Dajlan Avdia brenda 7 muajsh ka marrë leje për tre kulla gjigande:

Njëra në nëntor 2017 në zemër të Bllokut,

Një tjetër në shkurt të këtij viti tek Kulla e Sahatit.

Për kullën e tretë leja u dha në muajin qershor, pak pasi klienti i Edi Ramës shiti aksionet e bixhozit. Kjo kullë do të ndërtohet mbrapa presidencës.

Lejet e ndërtimit për biznesmenin e madh të bixhozit janë një provë flagrante të mbështetjes së Edi Ramës për transferimin e veprimtarisë së pastrimit të parave nga bixhozi tek ndërtimi.

The post Foto/ Mbyllja e bixhozit, Zhupa: Klientët e Ramës po investojnë në ndërtime appeared first on 55 News.

Qeveria nuk mund të prodhojë politika të njëanshme me qëllim që të ndihmojë shtresat në nevojë duke shkelur kushtetutën” thuhet në deklaratën e Shoqatës së Ndërtuesve të Shqipërisë” thuhet në deklaratën e ndërtuesve.

Taksim i dyfishtë?

Ndërtuesit nënvizojnë se parashikimi i nenit 19  në ligjin 22/2018 datë 03/05/2018 “Për strehimin social” duke qenë se ka formën e një takse të re vjen në kundërshtim me legjislacionin  shqiptar sipas të cilit taksat vendore janë përcaktuar në ligjin nr. 9632 datë 30.10.2006 “Për sistemin e taksave vendore” i ndryshuar.

“Për me tepër  vendosja e një parashikimi të tillë mund të konsiderohet taksim I dyfishtë duke qenë se ndërtuesit aktualisht paguajnë taksën e infrastrukturës një pjesë e së cilës shkon për ndërtimin e banesave sociale. Ky fakt e bën parashikimin e nenit 19 të ligjit për strehimin social tërësisht antikushtetues dhe ne si Shoqata e Ndërtuesve të Shqipërisë jemi tërësisht të vendosur të ndërmarrim hapa për ta zhbërë” thuhet në deklaratë.

Ata nënvizojnë se si palë e prekur direkt nga ligji për strehimin social nuk ju është marrë mendim dhe se për ta ky ligj ka kaluar në fshehtësi dhe heshtje të plotë. /Monitor/

The post Ligji për strehimin social/ Ndërtuesit kundër 3%, kostoja në kurriz të qytetarëve appeared first on 55 News.

Kështu një video e dërguar në redaksinë e Dritare.net ka treguar qartë mënyrën me të cilën qeveria shqiptare po pret pushuesit këtë vit.

Në video vihet re sesi punimet për një tjeër pallat që po ndërtohet në bregdetin e Sarandës, kanë shqetësuar banorët.

Zhurmat e tmerrshme po i përzënë turistët nga Saranda, duke i detyruar te ikin para kohe në Korfuz.

Personi që dërgon video  në dritare.net, shkruan :  “Eshte xhiruar sot ne Sarande. Po punohet per nje pallat me themele ne det, e  8 kate ne mal. Lere abuzimin me lejen, që nuk dihet si eshte marre,

po këta të heqin mendjen me zhurmë e përzënë turistet nga Kanali Cukes, deri ketu. Na larguan pushuesit. Tundet dheu, nuk kane asnje limit.

Këtej pastrojnë plazhet në dukje, dhe këtej ia rrasin me matrapikë që na ngjan vetja, si në Siri.”,-shkruhet ndër të tjera në denoncim.

Në vend që qeveria të ndërmarrë masa dhe hapa që ky sezon turistik të tërheqë sa më shumë turistë, po kujdeset t’i përzërë pushuesit, të cilët praktikisht i japin një “dorë të mirë” ekonomisë.

The post Qeveria përzë pushuesit nga Saranda appeared first on 55 News.

Veliaj dhe Rama kanë zgjedhur të shpërblejnë oligarkët, duke e asgjësuar përfundimisht ansamblin e ndërtuar nga arkitektët e njohur italianë në qendër të Tiranës dhe duke i dhënë goditjen finale mjedisit.

Fushata e mbjelljes së pemëve nisi si një tentativë për të maskuar betonizmin që po i bëhet Tiranës, me kullat dhe 170 lejet e ndërtimit që ka miratuar krybashkiaku. Qëllimi i fushatës, ishte portretizimi i një “kryebashkiaku të gjelbër”, i cili me lopatë në dorë luftoi heroikisht për gjelbërimin e qytetit. Në këtë fushatë agresive, parakaluan qindra personazhe publike, aktorë, këngëtarë, apo drejtues të klubeve sportive, që sëbashku me kryebashkiakun realizuan “revolucionin e pemëve”.

Por, kjo fasadë e ndërtuar me kujdes, dhe e kuruar në mënyrë perfekte në bashkëpunim me mediat, nuk arriti ta shpëlajë kryebashkiakun nga mëkatet e betonit që i rëndojnë mbi supe. Kjo sepse, sado të investohet për të manipuluar opinionin publik, qytetarët tashmë kanë filluar të shohin se si po mbijnë ngrehinat gjigande të miratura prej tij, edhe pse u kishte premtuar moratorium ndërtimesh për 4 vitet e tij në krye të Bashkisë.

The post Lali “kulla” jep leje për “mbjelljen” e dhjetëra kullave në sheshin Rinia appeared first on 55 News.