Nën survejimin e snajperëve dhe helikopterëve nga ajri, forcat speciale kanë kontrolluar dhe po vazhdojnë të kontrollojnë disa banesa të një prej bandave më të fuqishme, siç njihet si grupi i Niklës.

Burime nga policia kanë bërë me dije se deri tani janë kontrolluar vila e Flamur Hakës, Marenglen Hakës, Durim dhe Valter Bamit, Ylli Cangut etj, e ndërsa operacioni është në vazhdim e sipër.

Nuk dihet ende nëse ka persona të arrestuar, por mësohet se është shoqëruar për në polici me mjet të blinduar një prej personave kryesor të Niklës, Flamur Haka, i njohur me nofkën “Tuku”.

Dihet se zona e Niklës është një nga zonat më problematike në vend, ku kanë ndodhur një numër i madh ngjarjesh në të kaluarën, ndërsa kjo zonë njihet edhe për trafikun e drogës.

/55News.al/

The post Blinda dhe snajpera, FNSH e RENEA rrethojnë Niklën, shoqërohet i forti i “Krujës” appeared first on 55 News.