Personi në fjalë është një 33-vjeçar nga Shkodra, i cili është dënuar në Dhjetor të vitit 2017, raportojnë mediat lokale.

Të enjten ka pasur seancën në Apel, ku kërkoi lirimin nga qelia. Por kërkesa iu refuzua. Sipas gjykatës franceze, 6 vite më parë ai mbërriti në Haute-Loire i shoqëruar nga vëllai i tij dhe është dënuar si i përfshirë në trafikun e kokainës dhe heroinës.

Aktiviteti kriminal ishte survejuar nga policia. Në Shkurt të vitit 2015, policia thotë se ai bënte dy udhëtime në javë. Udhëtimi i parë bëhej për t’u furnizuar me drogë dhe udhëtimi i dytë për të bërë transaksionet e parave.

33-vjeçari nuk ka pranuar asnjëherë t’u përgjigjet pyetjeve të hetuesve dhe ka mohuar akuzat ndaj tij. Sipas policisë, një pjesë e parave të drogës janë dërguar rregullisht në Shqipëri. Bëhet fjalë për mbi 20 mijë Euro. Por, avokati i shqiptarit hedh dyshime se nuk bëhet fjalë për klientin e tij. Sipas tij, autoritetet franceze e ngatërrojnë me vëllain e 33-vjeçarit, pasi ky i fundit mohon kategorikisht që të jetë i përfshirë në trafikun e drogës.

The post Francë/ Shqiptari ankohet para drejtësisë: Jam në burg kot, po më ngatërroni me tim vëlla! appeared first on 55 News.