Lusia (Luciya) është duke përjetuar shok të dyfishtë në këto ditë të ndërrimit të viteve.

Ajo sapo ka mësuar të vërtetën e fortë: Prindërit që ajo 30 vjet rresht i quante si të tillë, nuk janë të saj.

Gjithçka nisi më 29 janar 1987 kur, Zoya Tuganova, sot një 69 vjeçare nga Chelyabinsk në Rusi, solli në jetë një vogëlushe.

Ajo e pa vetëm një çast të bijën e saj të vërtetë.

Disa orë më vonë, pasi qetësohet nga lindja, i vjen në prehër një vogëlushe.

Edhe sot, tre dekada më pas, ajo e kujton atë moment kur e pa dhe nuk iu duk të ishte e saj.

Por a duhet t’i besonte bluzave të bardha? Duke qenë se kishte dyshime, ajo i tha atyre në atë kohë se vajza që i sollën në shtrat nuk i duket e njëjta që kishte parë menjëherë pas lindjes në sallë.

Përgjigjja e personelit ishte e ashpër dhe nuk linte shteg për të vazhduar më tej në kërkimin e së vërtetës. Madje e kërcënuan se do ta mbyllnin në psikiatri për këtë pretendim që hodhi.

Zoya e mori në shtëpi fëmijën që nuk ishte e saj dhe e rriti atë.

Katia (Katya), vajza jobiologike e Zoyas, u rrit me përkushtim për vite me radhë.

Sakaq, vajza e vërtetë e Zoyas, Lusia, iu dha një nëne tjetër, Elvira Tuligenova. Burri i saj, nuk ia dha kurrë atësinë Lusisë, pasi e shihte që nuk ngjante me të dhe në familje plasi sherri për ndershmëri.

Ai besonte se e shoqja kishte dashnor që madje e kishte lënë shtatzënë. Në këto rrethana, ai vëzhgon të shoqen dhe mashkullin më të parë që pa të shoqërohej me të, iu sul dhe e vrau. Përfundoi në burg duke lënë pas një trishtim të thellë familjar.

Elvira iu dorëzua alkoolit, e vrarë shpirtërisht nga gjithë sa ndodhi, raporton noa.al që përktheu historinë e plotë që ju sjell në këtë raport.

Pak më vonë vdes. Lusia dhe vëllezërit e saj mbeten jetimë dhe përfundojnë në një jetimore.

Në anën tjetër, Katia po e përjetonte keq vitet e fundit, dyshimin e nënës se nuk ishte vajza e saj. Ajo nisi të kërkonte për të vërtetën dhe ia doli të gjejë Lusinë pas një kohe të gjatë kërkimesh të lodhshme.

Duke folur me “Siberian Times”, Zoya rrëfen momentet kur pa Lusinë. “Kur e pashë, e dallova përnjëherë ngjashmërinë mes nesh. Jam e shkatërruar nga ajo që jeta na solli”.

Katia nga ana e saj, pohon se nëse ajo do të përfundonte te familja biologjike, do të kishte vdekur, pasi në vogëli kishte pasur probleme me shëndetin për të cilat ishte nën kujdes të plotë nga prindërit jobiologjikë.

Ndërkaq, Zoja është e irrituar nga ajo që ka ndodhur. “Dikush duhet të paguajë për këtë gabim. I mbaj mend ende emrat e mjekëve dhe shpresoj që të bëhet drejtësi për këtë që ka ndodhur”.

Ndonëse meshkujt nuk mund të jenë gjithnjë romantikë, ata kanë disa gjëra të cilat i bëjnë, por që femrat nuk kanë dijeni.

Për shkak se meshkujt duan të duket gjithnjë si gjinia e fortë dhe që nuk u bëjnë përshtypje shumë gjëra, ata preferojnë ta mbajnë të fshehtë vëmendjen që u kushtojnë disa gjërave të vogla te femrat.
Aroma. Çdo njeri ka aromën e tij karakteristike që është e pavarur nga parfumet, era e shampos apo solucioneve të tjera. Te femrat kjo aromë është një nga elementët që tërheq më tepër meshkujt dhe që i bën për vete.
Flokët e lagura. Ndonëse për vajzat flokët e lagura janë një problem për të cilin duhet të kujdesen, për meshkujt ato janë një aspekt që i bën për vete dhe i nxit fantazi të shumta. Për më tepër lidhen me freskinë dhe gjërat e bukura që vijnë pas dushit.
Bluzat e gjera. Meshkujt i adhurojnë vajzat që veshin bluzat apo këmishat e tyre gjatë natës që kalojnë te ta. Është një ndjesi intimiteti që i bën të ndihen të sigurt për lidhjen me vajzën në fjalë.
Qukat. E çuditshme, por e vërtetë, meshkujt i preferojnë shumë femrat që kanë quka, pasi mendojnë se ato janë shumë të adhurueshme. Ndonëse femrat përpiqen t’i fshehin qukat, meshkujt po rebelohen dhe kërkojnë t’i shohin ato më shumë te partneret e tyre.
Frymëmarrja e afërt. Meshkujt çmenden kur femrat marrin frymë pranë qafës së tyre. Disa njerëz mund ta cilësojnë këtë si ‘të bezdisshme’ dhe si ‘të pamundur për të fjetur’, por shumica e djemve mendojnë se kjo është diçka shumë e bukur dhe pse jo tërheqëse.
Përqafimet. Një fenomen shumë i përhapur së fundmi, bëhet fjalë më tepër për përqafimet në shtrat dhe për afërsinë e intimitetin e krijuar në çift sesa për përqafimet në përgjithësi. Megjithëse pretendohet se femrat i pëlqejnë më shumë ‘përkëdheljet’ në shtrat, meshkujt nuk mbeten më pas.
Gjërat që bëhen në shtrat, mbeten në shtrat. Shumë femra ndrydhen me idenë se nëse veprojnë në një farë mënyre në shtrat, atëherë ato do të paragjykohen. Por rezulton e kundërta, meshkujt i pëlqejnë shumë femrat aktive në shtrat dhe nuk e kanë aspak kompleksin e gjërave të çuditshme.
Të qeshurën e përmbajtur. Meshkujt mendojnë se është shumë bukur kur vajzat qeshin në një mënyrë të veçantë, për më tepër kur janë vetë djemtë atë që kanë shkaktuar buzëqeshjen apo kanë thënë batutën.
Kur flirtojnë. Nuk është diçka që ndodh zakonisht, por meshkujve u pëlqen shumë kur femrat flirtojnë me ta ose kur i shohin në një mënyrë që i tregon se i dëshirojnë ata. Nga kjo kuptohet se edhe meshkujt kujdesen për veten që të jenë të pëlqyeshëm dhe për femrat që i shohin rastësisht.
Kafshimi i buzës. Nëse ju duhet të bindni ndonjë djalë për çdo gjë, mjafton të kafshoni paksa buzën tuaj të poshtme dhe ai do të jetë i gatshëm të bëjë çdo gjë. Meshkujt e shohin këtë si shumë tërheqëse dhe u pëlqen pa masë.