Veprimi i tyre jo vetëm ngriti një këmbë gjithë policinë Berlineze, por la “gojë hapur” dhe tmerroi gjithë opinionin publik në Gjermani…
E diela ishte një ditë e bukur pranvere edhe në Gjermani, por policia e Berlinit kreu një aksion të pazakontë.
Një njoftim në radiot e policisë bëri të ditur se disa persona po shkarkonin nga makina disa dele gati për t’i pjekur në një park publik.
Kur mbërritën në park, policia vuri re se 12 dele ishin therur dhe vendosur duke u pjekur në hell, i cili ishte i lidhur me bateri makinash.
Rreth tyre ishin rreth 150 njerëz që festonin.
Menjëherë në vendngjarje mbërritën edhe zjarrfikëset që fikën zjarrin. Personat përgjegjës u shoqëruan në polici.
Ata thanë se, kishin dalë për të festuar “Shën Gjergjin”. Sipas “Bild”, ata janë shtetas me origjinë nga Bosnja.
Sipas autoriteteve, një gjobë prej të paktën 5 mijë eurosh rrezikon t’u vendoset atyre për prishje të qetësisë në parqe, therje të paautorizuar të kafshëve dhe zjarr-ndezje në vende publike./Bild/
