Zëdhënësi i Presidentit të Republikës, Tedi Blushi ka reaguar pas deklaratave të Sekretarit të Përgjithshëm të PS, Taulant Ballës për kreun e shtetit. Në një video të publikuar në Facebook, Blushi i kujton Ballës kohën kur udhëtonte në një makinë me Presidentin e Republikës.
Ndërkohë për akuzat e Edi Ramës ndaj kreut të shtetit, Blushi shprehet se është mirë që Balla të nxjerrë provat për deklaratat që bën.
Blushi shton se pas 26 prillit, Balla do të bëjë autokritikë dhe do të vijë me vrap te Presidenti. “E harrove 2 Marsin? Jam i sigurt se edhe ti do vish me vrap te Presidenti në 26 prill të besh autokritikë e të punosh për çeljen e negociatave. Të gjithë shqiptarët mezi presin çeljen e negociatave që ju i bllokoni me pabesinë ndaj 5 Qershorit. Ora e Përballjes po afron!”,– shkruan ndër të tjera Tedi Blushi.
Postimi i plotë i Tedi Blushit në Facebook:
“Tao Tao, të paktën mos shërbe si fustan gruaje, poshtë të cilit fshihet nga frika Buburreci Trendi.
Mos u spiropalizo edhe ti!
Nxirre në Përballje Buburrecin.
A thotë Buburreci yt se Presidenti takohet skutave me kriminelë?
Nxirre pra të faktojë para tërë shqiptarëve se cilin kriminel ka takuar Presidenti?
Dil edhe ti si përforcues e zhurmues bashkë me të!
Presidenti është i të gjithë shqiptarëve.
E harrove 2 Marsin?
Jam i sigurt se edhe ti do vish me vrap te Presidenti në 26 prill të besh autokritikë e të punosh për çeljen e negociatave.
Të gjithë shqiptarët mezi presin çeljen e negociatave që ju i bllokoni me pabesinë ndaj 5 Qershorit.
Ora e Përballjes po afron!”.
