Që prej mesnatës shirat nuk ndalojnë në krejt territorin e vendit. Lajmet nga Lezha dhe Shkodra janë të frikshme, lumi Buna dhe Drin kanë kaluar shtratin normal në kohë dimri dhe kanë vërshuar fushave e shtëpive duke shkatërruar gjithçka del përpara. Edhe para se shiu i kësaj dite të shtonte kuotat e nivelit përmbytës, fushat ishin nën pushtetin e ujit që prej javësh, por tani gjendja është bërë katastrofike.
Në Vlorë uji ka pushtuar si përherë këto vitet e fundit qendrën e qytetit, duke e kthyer nga një “Venecia” e qetë në një Venecia që rrezikon gjithçka në Vlorë. Qyteti po pret kryeministrin ti gjejë zgjidhje.
këto pamje nga përmbytja e Vlorës janë dëshmia më e qartë se qindra milionë euro kanë shërbyer për të mbushur xhepat e çibanëve të korrupsionit që Kryeministri i ka ndërsyer Vlorës, dhe jo për të realizuar shërbimet për të cilat kanë nevojë qytetarët.
Në akset kombëtare Elbasan-Perrenjas gurët kanë zaptuar rrugën.
Në Fier u dha alarmi para pak çastesh se lumi i zonës po del rrezikshëm nga shtrati e banorët po ikin.
Në Durrës e Fushëkrujë shiu ka “shtëpinë” e tij prej pak vitesh, ndërsa në rrugët e qytetit bregdetar duhen çizme të dalësh në rrugë.
Ndërsa në Tiranë lumi Lana po vjen duke u mbushur me përhershmërinë e tij.
