Ajo që bie në sy gjithmonë e më shumë në këto votime është numri jashtëzakonisht i lartë i votave të pavlefshme.
Pa u numëruar akoma gjysma e kutive, rezulton se janë 47.615 vota të pavlefshme, që e përkthyer në mandate, do të ishte afro katër të tillë.
Ky është një rekord që as nuk afrohet gjëkundi me vitin 2017, kur ishin rreth 32 mijë vota të pavlefshme në total.
Por a është përdorur taktika e votave të pavlefshme për manipulim në shkallë të gjerë? Ish-kryeministri Sali Berisha ka publikuar një video-denoncim, ku shihet se si votat bëhen të pavlefshme në Tepelenë.
“Këtij i thonë numërim! Me laps në dorë duke “votuar” ose bërë të pavlefshme fletët e votimit. Në KZAZ 79 Tepelenë,” shkruan Berisha
