Nga Kastriot Dervishi
Në një dokument të vitit 1951 pas mbarimit të konferencës së 3-të të organizatës së Rrethit të Durrësit, te pjesa e detyrave, u artikulua teza se përveç të tjerash, duhej shtuar dashuria për armën e sigurimit dhe për ushtrinë, por duke u nisur nga parimi që çdo komunist duhej të ishte “një çekist i mirë”. ÇEKA ka qenë paraardhësja e KGB-së. Pjesëtarët e saj, të fshehtë apo publikë konsideroheshin si maja apo tehu i luftës së klasave. Konferenca e Durrësit u zhvillua më 10-12 dhjetor 1951. Pavarësisht se ky parim njihej, artikulimi i tij, pothuaj nuk shihet në raste të tjera.
