Departamenti Amerikan i Shtetit publikoi të enjten Raportin e vitit 2018 për Trafikimin e Qenieve Njerëzore ku qeverisja Rama denoncohet se nuk i përmbush standardet minimale për eliminimin e trafikut të qenieve njerëzore.
Raporti zbulon një paradoks të madh se në Shqipëri ndëshkohen viktimat e trafikut dhe jo trafikantët.
Nëse do t’i projektojmë në një pikë të vetme këto dy raporte rezultati është se qeveria shqiptare mbron dhe promovon krimin.
Teksti i këtyre raporteve të DASH-it, në harkun e qeverisjes së Ramës, shpaloset me të vërteta tronditëse që kanë shënjuar politikën shqiptare.
Ndonëse nuk ka plotësuar standardet minimale në luftën kundër trafikut të qenieve njerëzore, e vërteta është se qeverisja e Edi Rama ka vendosur një standard botëror jo vetëm në mbrojtjen e trafikanëve, por i ka nderuar ata me postin e deputetit.
Mjafton të shohësh zgjedhjet parlamentare dhe bashkiake për të kuptuar se kjo luftë nuk ka dështuar, por s’ka ekzistuar sepse këta “ligjvënës” ishin vetë trafikantë.
Mark Froku, një trafikant i kalibrit të parë, u bë deputet nga Edi Rama.
Arben Ndoka, po ashtu trafikant i regjur përdori paratë e trafikimit për të blerë mandatin e deputetit tek Edi Rama.
Elivs Roshi, precedentët e të cilit kërkojnë një enciklopedi të krimit, po ashtu një trafikant i qenieve njerëzore, u emërua Kryetar i Bashkisë së Kavajës duke përdorur paratë e trafikimit.
Ky raport është një goditje tjetër për qeverinë shqiptare pas raportit mbi të drejtat e njeriut, ku DASH-i denoncoi përhapjen e korrupsionit në të gjithë nivelet e qeverisjes.
