Policia e Tiranës ka arrestuar një 32-vjeçar i shpallur në kërkim ndërkombëtar me qëllim ekstradimi drejt shtetit Italian.
Në pranga u vu shtetasi Klodian Bregu, 32 vjeç, banues në Shkodër.
“Ky shtetas është në kërkim ndërkombëtar, pasi Gjykata e Parmës Itali, ka lëshuar ndaj këtij shtetasi Urdhër Arresti Ndërkombëtar për veprat penale “Organizatë Kriminale” dhe “Trafikim i Narkotikëve” të parashikuara nga legjislacioni Italian”, sqaron policia.
Veprimet e mëtejshme në lidhje me këtë shtetas do të kryhen nga Zyra e Interpol Tirana.
