Që prej datës 2 dhjetor, ligjërisht nuk është më e lejueshme që të zhdoganosh një automjet që është prodhuar para vitit 2008. Ky vendim që tashmë ka marrë fuqi ligjore ka si argument qëllimin për minimizimin e ndotjes mjedisore.
Por çfarë do të ndodhë me automjetet që janë prodhuar para vitit 2008 dhe që janë zhdoganuar para hyrjes së ligjit në fuqi?
Vendimi përcakton se automjetet e zhdoganuara deri në 2 Dhjetor 2018, mund të targohen pranë Drejtorisë së Përgjithshme të Shërbimeve të Transportit Rrugor deri në datën 1 mars 2019.
