Arbër Çekaj ka kërkuar gjykim të shkurtuar në seancën e kësaj të hënë që po zhvillohet në gjykatën e Krimeve të Rënda.
Çekaj është pronari i kompanisë “Arbi Garden”, që rezulton se ka porositur sasinë prej 613 kg kokainë të kapur në Maminas.
Edhe dy të pandehurit e tjerë, Donald Lushaj dhe Armando Pezaku kanë kërkuar gjykim të shkurtuar.
Ata akuzohen për veprat penale “Trafikimi i narkotikeve”, “Grupi i strukturuar kriminal”, “Kryerja e veprave penale nga organizata kriminale dhe grupi i struktuar kriminal”, pas sekuestrimit të 613 kg kokainë në shkurt të 2018-ës.
