Një person ka mbetur i plagosur në gjendje të rëndë pasi është përplasur nga një makinë pasditen e sotme në rrugën Rrogozhinë-Kavajë.
Mësohet se aksidenti ka ndodhur në afërsi të fshatit Lekaj rreth orës 17:30. Personi i plagosur ishte duke kaluar nga rruga dytësore në autostradë e më pas në anën tjetër të saj kur është përplasur nga automjeti.
Drejtuesi i automjetit që shkaktoi aksidentit është larguar nga vendi i ngjarjes.
