Ambasada britanike në Tiranë ka përshëndetur dënimin e Emiljano Shullazit nga gjykata me 14 vite burg.
Në një deklaratë të shkurtër, Ambasadori i Madhërisë së Saj, Duncan Norman, është shprehur se krimi i organizuar gërryen ekonominë.
Sipas Norman, krimi nuk duhet të ketë vend për veprimtarinë e tij.
Deklarata e Ambasadës Britanike:
Ambasadori i Madhërisë së Saj, Duncan Norman, ka mirëpritur vendimin e gjykatës shqiptare për dënimin e Emiljano Shullazit me 14 vjet burg dhe dënimet e gjata për bashkëpunëtorët e tij.
Krimi i rëndë e i organizuar gërryen në mënyrë të vazhdueshme ekonominë, shkatërron jetë dhe dëmton komunitetin.
Krimi i organizuar nuk duhet të ketë vend për të ushtruar veprimtarinë e tij.
