Një rrjet kriminal i përbërë nga shqiptarë, rumunë dhe turq është shkatërruar nga policia spanjolle në Katalonja.
Nëntë persona kanë rënë në pranga, ndër ta 5 shqiptarë, dy femra, të akuzuar për një sërë vjedhjesh në zonë.
Sipas policisë spanjolle rrjeti ka kryer të paktën 85 vjedhje të dokumentuara në Huesca dhe Katalonja. Gjatë aksionit për arrestimin e tyre, në banesa u gjetën një sërë sendesh me vlerë, ora të shtrenjta, bizhuteri e aksesorë luksoz. Policia spanjolle sekuestroi edhe 1 kilogram kokainë.
