Kur kryebashkiaku i Medellinit u shfaq, ai po e bartte me vete një çekan.
Qëndroi me çekan në dorë para shtëpisë së dikurshme të Pablo Escobar, bosi famëkeq i drogës, perandoria e kokainës e të cilit e ka vendosur atë në krye të listës së njerëzve më të pasur dhe më të kërkuar të botës.
Escobari jetoi për vite me radhë në ndërtesën Monaco, një ngrehinë e bardhë gjashtëkatëshe me një apartament çatie në katin më të lartë, shkruan Koha Ditore.
Germat e zbehura të mbiemrit të tij të shkruar në fasadë shihen ende. Godina qe bombarduar më 1988 nga rivalët e Escobarit dhe jo shumë kohë më vonë ai qe larguar që aty. Gjethet e marihuanës rriten në skajet e rrugicave pyjore. Në një pjatë satelitore janë mbledhur gjethet e vjetruara. Dhe për një kohë Medellini mund ta anashkalonte Monacon tanimë të boshatisur…
