Edhe pse Shqipëria duket se po futet në pikun e valës së dytë të Covid-19 me numrin e infektimeve dhe vdekjeve që njohin vetëm rritje dhe me Tiranën vatrën kryesore të infektimit, situata me autobusët urbanë në Tiranë nuk ndryshon.

Në një vëzhgim të kryer nga redaksia online e Ora News në një prej stacioneve pranë ISHP-së u vu re njhë dyndje e madhe qytetarësh në pritje të autobusit të rradhës.

Pavarësisht se Komiteti Teknik i Ekspertëve urdhëroi ndalimin e grumbullimeve mbi 10 veta në foto shihet qartë se qytetarët nuk e respektojnë vendimin, ndërsa gjatë gjithë ditës autobusët urbanë lëvizin nëpër Tiranë të tejmbushur.