Policia e Krujës zbardh dhe dokumenton ngjarjen e ndodhur në mesnatë në Nikel, Krujë ku në një biznes parukeri, u vendos lëndë plasëse.
Policia ben me dije se ka identifikuar dhe pastaj arrestuar autorin e dyshuar te ngjarjes. Ne pranga eshte vene shtetasi L.C., 23 vjeç, banues në Nikel.
“Ai dyshohet se në biznesin (parukieri) të shtetases R.Sh., ka vënë një sasi lëndë plasëse e llojit tritol, ku për pasojë janë shkaktuar vetëm dëme materiale”- njofton policia.
NJOFTIMI
Policia identifikon dhe arreston autorin e dyshuar.
Specialistët për Hetimin e Krimeve në Komisariatin e Policisë Krujë, në bashkëpunim me Prokurorinë e Rrethit Gjyqësor Krujë, pas një pune hetimore intensive kanë bërë të mundur zbardhjen dhe dokumentimin e ngjarjes së ndodhur në mesnatë në Nikel, Krujë, duke identifikuar dhe arrestuar shtetasin:
• L.C., 23 vjeç, banues në Nikel.
Shtetasi i mësipërm dyshohet se në biznesin (parukieri) të shtetases R.Sh., ka vënë një sasi lëndë plasëse e llojit tritol, ku për pasojë janë shkaktuar vetëm dëme materiale.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Shkatërrimi i pronës me eksploziv”dhe “Mbajtja pa leje dhe prodhimi i armëve, armëve shpërthyese dhe i municionit ” parashikuar në nenet 153 dhe 278 të Kodit Penal.
