Ngarkesa prej 387.1 ton mish është ndaluar të hyjnë në territorin shqiptar. Autoriteti i Kontrollit Ushqimor informon se nga këto 234.5 ton mish janë kthyer në vendin e origjinës dhe 152.6 ton të tjera janë në proces për kthim
Ndalimi i tyre është bërë gjatë kontrolleve të ushtruara nga inspektoret e ushqimit të AKU Durrës në Pikën e Inspektimit Kufitar Durrës gjatë ditëve të fundit.
Ngarkesat me produkte importi janë konsideruar të pasigurta për konsum njerëzor dhe si rrjedhojë kanë vendosur për kthimin e tyre në vendin e origjinës.
