Prej plot tre ditësh banorët e zonës së ‘Astirit’ në Tiranë vijojnë protestat e tyre duke kundërshtuar prishjen e bizneseve dhe banesave të tyre për projektin e Unazës së Re.
Edhe pasditen e sotme, banorët kanë bllokuar rrugën dhe kërkojnë takim me qeverinë për zgjidhjen e çështjes së tyre.
Banorët shprehen se projekti është zgjeruar dhe prek 490 objekte dhe jo 300 sa thotë qeveria.
Ata thonë se i kanë banesat në proces legalizimi, ndërsa nuk do lejojnë prishjen e tyre.
